अर्थतन्त्र

नेप्से १८.३० अंकले घटेर दुई हजार ३९ दशमलब ५४ विन्दुमा बन्द, एक कम्पनीको शेयरमूल्यमा उच्च वृद्धि

• गाउँ सहर संवाददाता
• ९ भदौ बिहीबार, २०७९ | १६:३७:०० मा प्रकाशित

काठमाडौं । नेपाल स्टक एक्सचेञ्ज (नेप्से) साताको कारोबारको पाँचौँ दिन आज बिहिबार दोहोरो अंकले घटेको छ । आज नेप्से १८.३० अंकले घटेर दुई हजार ३९ दशमलब ५४ विन्दुमा बन्द भएको छ । बुधबार भने नेप्से २.८७ अंकल बढेर दुई हजार ५७ दशमलब ८५ विन्दुमा बन्द भएको थियो ।

त्यस्तै, आज कारोबार रकममा भने सामान्य वृद्धि भएको छ । आज नेप्सेमा एक अर्ब ७१ करोड ७४ लाख रुपैयाँ बराबरको कारोबार भएको छ । बुधबार नेप्सेमा एक अर्ब ५२ करोड ६१ लाख रुपैयाँ बराबरको कारोबार भएको थियो ।

आज कारोबार भएका कम्पनीमध्ये १५ वटा कम्पनीको शेयरमूल्य बढेको छ भने १६८ वटा कम्पनीको शेयरमूल्य घटेको छ भने ४ कम्पनीको शेयरमूल्य स्थिर रहेको छ । यसमध्ये एक कम्पनीको शेयरमूल्यमा उच्च वृद्धि भएको छ । अप्पर हेवाखोला हाइड्रोपावर कम्पनीको शेयरमूल्य ९.९९ प्रतिशतले बढेर प्रतिकित्ता ३६४.४० रुपैयाँ पुगेको छ ।

नेप्सेका अनुसार आज मैलुङ खोला जलविद्युत कम्पनीको सबैभन्दा बढी गिरावट भएको छ । यसको शेयरमूल्य ५ प्रतिशत भन्दा बढीले घटेको हो । त्यस्तै, कारोबारको आधारमा आज सबैभन्दा बढी हिमाल दोलखा हाइड्रोपावरको  भएको छ । यसको आज ११ करोड २४ लाख भन्दा बढीको कारोबार भएको छ ।