१० अर्ब बढीको सेयर कारोबार, नेप्से परिसूचक २७ सय विन्दुमाथि
- गाउँ सहर संवाददाता
- ४ बैशाख बिहीबार, २०८२ | १५:५९:०० मा प्रकाशित
काठमाडौं । साताको अन्तिम सेयर कारोबार दिन बिहीबार नेप्से परिसूचक दोहोरो अंकले बढेर बन्द भएको छ। यसदिन नेप्से परिसूचक २६.४९ अंकले बढेर २७२२.७३ विन्दुमा पुगेको हो। अघिल्लो दिन बुधबार ७.०१ अंकले बढेर बन्द भएको थियो। नेप्से बढेसँगै कारोबार रकम पनि बुधबारको तुलनामा वृद्धि भएको छ।
यसदिन ३११ स्क्रिप्सको २ करोड ३७ लाख ७३ हजार ७३१ कित्ता सेयर १० अर्ब ९७ करोड ७३ लाख ६३ हजार २८२ रुपैयाँमा खरिदबिक्री भए। बुधबार ७ अर्ब २६ करोड रुपैयाँको सेयर कारोबार भएको थियो। आज दुई कम्पनीको सेयर सकारात्मक सर्किट लेभलमा कारोबार भयो। नेपाल माइक्रो इन्स्योरेन्सको १० प्रतिशत र क्रेष्ट माइक्रो लाइफ इन्स्योरेन्सको ९.९९ प्रतिशतले बढ्यो।
कारोबार रकमका आधारमा हिमालयन पावर शीर्षस्थानमा रह्यो। सो कम्पनीको १ अर्ब ५८ करोड २५ लाख मूल्य बराबरको सेयर कारोबार भयो। एनआरएन इन्फ्रास्टक्चर एण्ड डेभलपमेन्टले ६२ करोडको सेयर कारोबार गर्दा हाइड्रोइलेक्ट्रिसिटी इन्भेस्टमेन्ट एण्ड डेभलपमेन्टको ४९ करोड,नगदी ग्रुपको ३८ करोड र राधी विद्युतको ३७ करोड मूल्य बराबरको सेयर कारोबार भयो।
कारोबारमा आएकामध्ये १८७ स्टक्सको मूल्य बढ्दा ५९ वटाको घट्यो। ट्रेडिङ समूहको उपसूचकबाहेक अन्यको उपसूचक सकारात्मक देखिएका छन्। इन्भेष्टमेन्ट बैंक समूहको उपसूचक सर्वाधिक २.९९ प्रतिशतले बढ्यो।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- रातो मच्छिन्द्रनाथको भोटो देखाउने जात्रा मनाइँदै
- कला र संस्कृति पुर्खाबाट सन्ततिमा हस्तान्तरण गर्दै मध्यपुरका युवाहरू
- पेट्रोल, डिजेल/मट्टितेलकाे मूल्य बढ्यो, हवाई इन्धनको भने घट्याे
- शनिबार राति यस्ताे माैसमः एक-दुई स्थानमा मेघगर्जन/चट्याङ
- "म एमालेको झोले हुँ, तर यो झोलामा देशको सपना बोकेको छु" — प्रधानमन्त्री ओली
- इलाम, झापा, मोरङ, सुनसरी र धनकुटामा पछिल्लो चौबिस घन्टामा धेरै भारी वर्षा
- सरकारको नीतिविरुद्ध सार्वजनिक यातायात व्यवसायीद्वारा आन्दोलन घोषणा
- लिटल फ्लावरमा स्वास्थ्य परीक्षण
- गृहमन्त्री लेखककाे राजीनामा- विरोध गर्न निहुँ नपाएर निहुँ खोजिएको मात्रै
- बाढीले कोशी राजमार्ग बगाएपछि यातायात अवरुद्ध
प्राप्त प्रतिक्रिया
तपाईँको मत
प्रतिकृया दिनुहोस