अर्थतन्त्र

नयाँ वर्षको सुरुवाती कारोबार दिनमै नेप्सेसँगै कारोबार रकम बढ्यो

• गाउँ सहर संवाददाता
• २ बैशाख मंगलबार, २०८२ | १६:१९:०० मा प्रकाशित

काठमाडौं । नयाँ वर्षको सुरुवाती कारोबार दिनमै सेयर कारोबार मापक नेप्से परिसूचक २७.१४ अंकले बढेको छ । एक दशमलव शून्य एक प्रतिशतले बढेर २६८९.२२ विन्दुमा उक्लिएको हो ।

कुल २१२ कम्पनीको सेयर मूल्य बढ्यो भने ३४ कम्पनीको मूल्य घट्यो ।कुल ६९ हजार ३६४ पटकको सेयर किनबेचबाट ८ अर्ब ५४ करोड ४३ लाख ५७ हजार रुपैयाँको सेयर कारोबार भएको छ ।

कुल २ करोड १८ लाख ४१ हजार ४७ कित्ता सेयर किनबेच भए । आज अधिकाशं उपसमूहहरु बढ्यो । व्यापार उपसमूह मात्रै २९.७० अंकले घट्यो । म्युचअल फन्ड शून्य दशमलव शून्य एक अंकले घट्यो ।

कर्पोरेट डेभलपमेन्ट बैंक, ग्रिन डेभलपमेन्ट बैंक र सप्तकोशी विकास बैंकको सेयर मूल्य १० प्रतिशत बढेर सर्किट लाग्यो । नेपाल माइक्रो इन्स्योरेन्स कम्पनीको मूल्य ९.९९ प्रतिशत र क्रेस्ट माइक्रो लाइफ इन्स्योरेन्सको मूल्य ९.९८ प्रतिशतले बढ्यो ।

बलेफी हाइड्रोपावरको मूल्य ९.९९, विन नेपाल लघुवित्तको ६.२५, आत्मनिर्भर लघुवित्तको ३.७१, अपर सोलु हाइड्रोको ३.१२ र सनराइज फर्स्ट म्युचअल फन्डको मूल्य २.८८ प्रतिशतले बढ्यो ।