आज सेयर बजारमा सामान्य अंकको सुधार
- गाउँ सहर संवाददाता
- २३ बैशाख मंगलबार, २०८२ | १६:१९:०० मा प्रकाशित

काठमाडौं । आज सेयर बजारमा सामान्य अंकको सुधारमा आएको छ। आइतबार र सोमबार लगातार दुई दिन ओरालो लागेको नेप्से परिसूचक आज ४.२६ अंकले बढेर २६१४.६७ विन्दुमा पुगेको छ।
नेप्से बढेसँगै कारोबार रकम पनि सोमबारको तुलनामा वृद्धि भएको छ। सोमबार ७ अर्ब ६३ रुपैयाँको सेयर कारोबार भएकोमा आज ८ अर्ब बढीको कारोबार भएको छ।
यसदिन ३१८ स्क्रिप्सको २ करोड ५ लाख ४२ हजार ७६४ कित्ता सेयर ८ अर्ब ७४ करोड ७६ लाख ६८ हजार ८४६ रुपैयाँमा खरिदबिक्री भए। नेप्से सामान्य अंकले बढेपनि दुई कम्पनीको सेयर सकारात्मक सर्किट लेभलमा कारोबार भएको छ। नेपाल माइक्रो इन्स्योरेन्स र क्रेष्ट माइक्रो लाइफ इन्स्योरेन्सको सेयर सकारात्मक सर्किट लेभलमा कारोबार भयो।
यसदिन विन नेपाल लघुवित्त वित्तीय संस्थाका लगानीकर्ताले भने सर्वाधिक गुमाए। सो कम्पनीको सेयर १० प्रतिशतले घट्यो। सानिमा माइ हाइड्रोपावर ९२ करोड बढीको सेयर कारोबार गरी शीर्षस्थानमा रह्यो।
यसैगरी नगदी ग्रुपको ६७ करोडको सेयर कारोबार हुँदा राधी विद्युत कम्पनीले ३८ करोड,युनिलिभर पावरले ३६ करोड र अरुण भ्याली हाइड्रोपावर डेभलपमेन्टले ३२ करोड मूल्य बराबरको सेयर कारोबार गरे।
कारोबारमा आएकामध्ये १२० स्टक्सको मूल्य बढ्दा १२६ वटाको घट्यो। पाँच समूहको उपसूचक बढ्दा अन्यको उपसूचक नकारात्मक देखिएका छन्। हाइड्रोपावर,लाइफ इन्स्योरेन्स, मनु एण्ड प्रो,नन लाइफ इन्स्योरेन्स र ट्रेडिङ समूहको उपसूचक सकारात्मक देखिएका छन्। ट्रेडिङ समूहको सपसूचक सर्वाधिक २.०३ प्रतिशतले बढ्यो।

गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- संसदमा नीति तथा कार्यक्रममाथि छलफल सकिँदै (लाइभ)
- नीति तथा कार्यक्रममाथिको छलफल आज अन्तिम दिन
- भारत-पाकिस्तान तनावबारे नेपालकाे यस्ताे छ आधिकारिक धारणा
- दिनभर उतारचढाबपूर्ण रहेको शेयर बजार दोहोरो अंकले घटेर बन्द
- राजावादीले राजसंस्था पुन:स्थापनाका लागि जेठ १५ गतेबाट अनिश्चितकालीन जनआन्दोलन
- नीति तथा कार्यक्रममा संसदमा छलफल जारी (लाइभ)
- दिलिप पौडेलको कथासंग्रह ब्लफर्स डायरीको लोकार्पण
- सदनमा नीति तथा कार्यक्रममाथि छलफल जारी (लाइभ)
- भारत पाक तनावबारे चीनको प्रतिक्रिया-सैन्य कारबाही खेदजनक
- नीति तथा कार्यक्रममाथि आज पनि छलफल हुँदै
प्रतिकृया दिनुहोस