गाउँ सहर

सामुदायिक विद्यालयमा घट्दाे विद्यार्थीबारे राष्ट्रियसभामा पाैडेल गराए ध्यानाकर्षण

• गाउँ सहर संवाददाता
• २८ बैशाख आइतबार, २०८२ | १६:३८:०० मा प्रकाशित

काठमाडाैं । राष्ट्रियसभा सदस्य कृष्णप्रसाद पौडेलले सहरी क्षेत्रमा बढ्दै गएको बसाईँसराई र जन्मदरमा आएको कमीले ग्रामिण क्षेत्रका सामुदायिक विद्यालयमा विद्यार्थीको संख्या प्रत्येक दिन घट्दो क्रममा रहेको बताएका छन् । 

आइतबार राष्ट्रियसभाको बैठकमा उनले यस विषयमा सरकारको ध्यानाकर्षण पनि गराए । 

तथ्य र तथ्याङ्कको आधारमा देशको भौगोलिक स्थिति, शिक्षक-विद्यार्थीको अनुपातलाई मध्येनजर राख्दै हिमाली, उच्च पहाडि र दुर्गम क्षेत्रका सामुदायिक विद्यालयहरुलाई गाभ्ने, स्थानीय तहको समन्वय र सहयोगमा आवासीय विद्यालयहरु स्थापना गरी न्यूनतम खर्चमा स्तरीय शिक्षा प्रदान गर्दै सामुदायिक विद्यालयहरुप्रति अभिभावकहरुको विश्वास र भरोसा अभिवृद्धि गर्न, गराउन पाैडेलले सम्बन्धित मन्त्रालयको ध्यानाकर्षण गराएका हुन् ।

सामुदायिक विद्यालयमा विद्यार्थीको संख्या :

• १०० भन्दा कम विद्यार्थी भएका सामुदायिक विद्यालयहरुको संख्या १५,९६५
• १०० देखि ५०० सम्म विद्यार्थी भएका सामुदायिक विद्यालयहरुको संख्या ९,७०४
• ५०१ देखि १००० सम्म विद्यार्थी भएका सामुदायिक विद्यालयहरुको संख्या १,६३६
• १००१ देखि १५०० सम्म विद्यार्थी भएका सामुदायिक विद्यालयहरुको संख्या ४५९
• १५०१ देखि २००० सम्म विद्यार्थी भएका सामुदायिक विद्यालयहरुको संख्या १३६
• २००० भन्दा बढी विद्यार्थी भएका सामुदायिक विद्यालयहरुको संख्या १००