दिगोविकास

साेमबारकाे स्थिर शेयरबजारमा कसले कमाए, कसले गुमाए ?

• गाउँ सहर संवाददाता
• २५ श्रावण सोमबार, २०७८ | १५:५४:०० मा प्रकाशित

काठमाडाैं । साताको दोस्रो कारोबार दिन पनि नेप्से परिसूचक झिनाे अंकले बढेकाे छ । 

यसदिन अघिल्लो कारोबार दिनजस्तै नेप्से सामान्य अंक बढेर बन्द भएको छ । नेप्से परिसूचक १.५४ अंकले बढेर ३१०९.६६ अंक पुगेका दिन २ करोड ५३ लाख ९३ हजार ६९९ कित्ता सेयर १४ अर्ब १३ करोड ७३ लाख ३८ हजार ९९१ रुपैयाँ कारोबार भएको छ ।

यो दिन ९३ वटा कम्पनीको सेयर मूल्य बढ्दा ११८ वटा कम्पनीको सेयर मूल्य घटेको छ भने १२ वटा कम्पनीको सेयर मूल्य स्थिर छ ।

यस दिन कारोबारमा आएका ८ कम्पनीको शेयर सकारात्मक सर्किट लेभलमा कारोबार भएको छ । यस दिन यूनियन हाइड्रोपावर, नेपाल हाइड्रो डेभलोपर्स, कर्पोरेट डेभलपमेन्ट बैंक, आईसीएफसी फाइनान्स, जीवन विकास लघुवित्त, ङादी ग्रुप, युनियन लाइफ इन्स्योरेन्स र हिमालयन पावर पार्टनको शेयर सकारात्मक सर्किट लेभलमा कारोबार भएको हो ।

सिद्धार्थ बैंक डिबेञ्चर, माछापुच्छ्रे बैंक डिबेञ्चर, मिर्मिरे लघुवित्त, सारथी नेपाल लघुवित्त, नेपाल फाइनान्सलगायतका कम्पनीहरूकाे  शेयरमूल्य घटेकाे छ ।

त्यसैगरी, यस दिन व्यापार, होटल तथा पर्यटन र डेभलपमेन्ट बैंक उपसमूहको परिसूचक १ प्रतिशतभन्दा बढी घटेको छ।

कारोबार रकमका आधारमा अरुण भ्याली हाइड्रोपावर, माथिल्लो तामाकोसी, अपि पावर कम्पनी, सिनर्जी पावर डेभलपमेन्ट र युनाइटेड मोदी हाइड्रोपावर कम्पनी सबैभन्दा अगाडि छन् ।