अर्थतन्त्र

झिनाे अंकले बढ्याे शेयरबजार, काराेबार रकम एघार अर्ब नजिक

• गाउँ सहर संवाददाता
• १८ श्रावण सोमबार, २०७८ | १५:३७:०० मा प्रकाशित

काठमाडाैं । साेमबार नेपाल स्टक एक्सचेञ्ज (नेप्से)  परिसूचक झिनाे अंकले बढेकाे छ । 

यसदिन नेप्से ४.०४ अंकले बढेर ३०८५.०७ अंकमा पुगेको छ ।

२२६ कम्पनीको १ लाख ५ हजार पटकको कारोबारमा १० अर्ब ९८ करोड ३५ लाख ९९ हजार रुपैयाँ बराबरको २ करोड १८ लाख ९४ हजार कित्ता शेयर खरिदबिक्री भएको छ ।

आज घलेम्दी हाइड्रो लिमिट, गुरास लघुवित्त वित्तीय संस्था, फ्रस्ट माइक्रो फाइनान्स डेभलपमेन्ट बैंक र यूनिभर्सल पावर कम्पनीको सेयरमा सकारात्मक सर्किट लागेको छ ।

नेपाल हाइड्रो डेपलपर्स र यूनाईटेड आईडीआई मार्दी आरबी हाइड्रोपावरको सेयर ५ प्रतिशतभन्दा धेरैले घटेको छ ।

कारोबार रकमका आधारमा अरुण कावेली पावर शीर्ष स्थानमा रहेको छ । जसकाे ३७ करोडभन्दा बढीको शेयर खरिदबिक्री भएको छ । 

यस दिन काराेबार अवधिमा नेप्से ३१०० विन्दुसम्म पुगेकाे थियाे ।