देउवा सत्ताराेहणकाे पाँचाैँ संस्करण, यत्ति गरे पुग्छ.. बार्दलीबाट भुक्नु पर्दैन
- रूद्रप्रसाद भट्टराई
- ४ श्रावण सोमबार, २०७८ | १३:४०:०० मा प्रकाशित
काठमाडाैँ । पाँचौँ पटक सरकारको नेतृत्व गर्न पुनः शेरबहादुर देउवालाई नेपाली राजनीतिले खोजीखोजी ल्याएको छ । अनेक आरोह अनि अवरोह खेपेका देउवा यो संस्करणमा आइपुगेका छन्, सायदै सोचिएको विषय थियो । तर के गर्ने ? बहुमतिय सरकारले तमासा देखाएपछिकाे अवस्थाले उनैलाई ल्यायो र विश्वासको मतपनि पाइहाले ।
विषम अवस्थामा संयुक्त सरकारकाे नेतृत्व उनकाे काँधमा परेकाे छ र अबका करिब १.५ वर्ष उनले देश हिँडाउने पक्का भएकाे छ, निर्वाचन सम्पन्न भइन्जेलसम्म । नेपालका दल न हुन्, कहिले यता कहिले उता । कतिबेला के हुन्छ यीनलाई पनि कहाँ थाहा छ र !
काेराेना कहरले थिलाे बनाएकाे याे समयमा देउवासँग जनताले धेरै आशा त गरेका छैनन् तर यि कुरा उनले गर्नैपर्ने हुन्छ । यसबीचमा नराम्राेबाट बच्न सकेमा देउवाकाे याे सत्तराेहण भावी पूस्ताकाे लागि फलदायी हुने देखिन्छ । साथै अहिलेसम्मका नराम्रा कुरा पखाल्ने समय बन्नेछ ।
पहिलाे कामः देउवा नेतृत्वकाे सरकारले सम्पूर्ण नेपालीलाई सहज तरिकाले काेराेना खाेप लगाउनु पर्छ । काेराेना उपचार निःशुल्क र पहुँचयाेग्य बनाउने, मृतककाे परिवारलाई उचित क्षतिपूर्तिकाे व्यवस्था गर्ने ।
दाेस्राे कामः महामारीका कारण हरेक क्षेत्रमा गुमेकाे राेजगारी सके पुनःस्थापना नसके अरू विकल्पमा अल्पकाललाई भएपनि व्यवस्था गर्ने । डामाडाेल भएकाे अर्थतन्त्र उकास्न, मर्का परेका वर्गकाे पहिचान गरी उनीहरूलाई तत्कालै सहयाेगकाे व्यवस्था गर्ने ।
तेस्राे कामः मन्त्री तथा राजदूत, अन्य नियुक्तिमा कम बिग्रिएका र भविश्य खाेज्नेलाई चयन गर्ने । अथवा नियुक्तिमा मापदण्ड राखेर याेग्यता र क्षमताका आधारमा चयन गर्ने ।
चाैथाे कामः भ्रष्टाचार हदैसम्म राेक्ने, ठूला माछा समातेर साे रकम विकासमा लगाउने ।
पाँचाैँ कामः काम हुँदै गरेका परियाेजनाहरूकाे चुस्तता र पारदर्शितामा समय खर्चने । आसेपासेमा नभएर जनताकेन्द्रित काम गर्ने ।
याे महामारीकाे समयमा यहाँभन्दा जनताले याे सरकारसँग अरू आशा गरेका छैनन् । समयको महत्वलाई आत्मसात गर्दै सबैलाई समेट्न सक्ने प्याकेज अहिलेकाे अनिवार्यता हाे । अघिल्ला सरकारकाे गल्ति कमजाेरीबाट पाठ सिक्दै अगाडि बढ्न सके देउवा सरकारकाे पाँचाैँ संस्करणले पार्टी र समग्र देशकाे भविश्य परिवर्तन गर्न सक्छ । थितिमा महशुष हुने किसिमले नै परिवर्तन ल्याउन सक्छन् । कहिँकतै घमण्ड नदेखाउने, देखाउनेकाे अवस्था हेर्ने गरेमा बार्दलीबाट भुक्ने अवस्था आउँदैन ।
अरू चाहिँ पर्दैन.......!
रूद्रप्रसाद भट्टराई
- नयाँ नेतृत्वले ‘असारे र डोजरे’ आतंक रोक्नुपर्छ
- जन अस्तायाे, खेतबारी छैन, जागिर गुम्याे, अब कसरी जीविका चलाउने !
- राष्ट्रिय वाणिज्य बैंकले आजदेखि २ अर्ब ५० करोडको ऋणपत्र बिक्रीमा
- उठ्नेबित्तीकै ट्विटरमा भाइरल — प्रधानमन्त्रीको राजीनामा
- राजनीतिक दल जुट्दा जनताले के पाए, फुट्दा के पाए ?
- कोरोना कहरमा घरभित्र थुन्ने शासकले नपढेका ‘अमर्त्य सेन र रोबर्ट चेम्बर्स’
- तपाईं खेतिपाती गर्नुहुन्छ कि हुन्न ? कति छ ?
- ‘कोरोना जीतेपछिको विश्व’- मलामी गएको बेलामा पनि व्यापार गर्नेहरूले के सिक्ने ? सिक्दैनन्
- पोखरामा फरक फरक खानाका लागि पर्यटकलाई ६ रेष्टुरेण्ट खुलाउने रेवानको निर्णय
- कोरोनाभाइरसको असर : जनसँगै वैश्विक अर्थतन्त्र चौपट हुने आशंका
प्राप्त प्रतिक्रिया
छाेटाे तर मिठाे टिप्पणीकाे लागि लेखकलाइ धन्यवाद । यहि हाे सत्यता ।
देउवा नेतृत्वकाे सरकारले सम्पूर्ण नेपालीलाई सहज तरिकाले काेराेना खाेप लगाउनु पर्छ । काेराेना उपचार निःशुल्क र पहुँचयाेग्य बनाउने, मृतककाे परिवारलाई उचित क्षतिपूर्तिकाे व्यवस्था गर्ने । अरू पर्दैन.....................
त्याे पर्दैन....
ailee sammaka dhabba pakhalengari kam garnuhola...suvakamana...aahami nahunuhola.
Best wishes for hero of nation.
शुभकामना सभापति ज्यू । धेरै काम गर्नुहाेस् । खाेप पहिला है...
पार्टीकाे महाधिवेशन चाहिँ नधकल्नुहाेस् है फेरी ।
दउवा जी अवसर छ काम गर्नुहाेस् ।
सान्दर्भिक र सार्थक सुझाव सहितको उचित लेख
तपाईँको मत
प्रतिकृया दिनुहोस