अर्थतन्त्र

शेयरबजार : ४० अंकले बढेकाे नेप्सेमा काराेबार रकम भने बढ्न सकेन

काठमाडाैं । साताकाे चाैथाे दिन बुधबार सेयर बजार उचालिएकाे छ । यसदिन अधिकांश कम्पनीको सेयर मूल्य बढेको छ ।

शेयर बजार सूचक मापक नेप्से आज ४०.४० अंकले बढेर २.५३२.२४ बिन्दुुमा पुगेको छ ।

बुधबार २१२ कम्पनीका ८६ लाख २६ हजार ६६७ कित्ता शेयर ४४ हजार ६९७ पटकको कारोबारबाट कारोबार रकम ३ अर्ब ३७ करोड ४५ लाख ५२ हजार १७८ रुपैयाँ पुगेको छ । मंगलबारको तुलनामा बुधबार १२ लाख कम कारोबार भएको छ । 

६ कम्पनीको शेयरमूल्य ९ प्रतिशतभन्दा धेरै बढेर सकारात्मक सर्किट लागेको छ । आज सबैभन्दा धेरे कमाउने शीर्ष कम्पनीमा चन्द्रागिरि हिल्स, जोशी हाइड्रेपावर, ग्रीनलाइफ हाइड्रोपावर, युनाइटेड इडी मर्दी आरबी हाइड्रोपावर र पञ्चकन्या माइ हाइइड्रोपावर कम्पनी छन् ।

घलेम्दी हाइड्रोपावर, गुडविल फाइनान्स, गुहेश्वरी फाइनान्स, नेशनल हाइड्रोपावर, लगायत कम्पनीको शेयरमूल्य घटेको छ ।

बुधबारको बजारमा नेपाल इन्फ्रास्टक्चर डेभलपमेन्ट बैंक (निफ्रा)को उच्च कारोबार भएको छ । बैंकको ३ लाख ७८ हजार १७ कित्ता शेयर २० करोड रुपैयाँमा खरीद बिक्री भएको हो ।

गाउँ सहर संवाददाता