दसैँमा उपत्यकामा ९७ करोडको खसीबोका र च्याङ्ग्रा कारोबार
- गाउँ सहर संवाददाता
- ८ कार्तिक आइतबार, २०८३ | ०७:४७:०० मा प्रकाशित
काठमाडौँ। यस वर्षको दसैँमा काठमाडौँ उपत्यकामा करिब ९७ करोड रुपियाँ बराबरको खसीबोका र च्याङ्ग्राको कारोबार भएको छ । दसैँको एक साताको अवधिमा उपत्यकाका विभिन्न बजारमा ४० हजार खसीबोका तथा च्याङ्ग्रा बिक्री भएको चौपाया खरिदबिक्री सङ्घले जनाएको छ ।
सङ्घका अनुसार गत वर्षको दसैँमा एक अर्ब १६ करोड रुपियाँ बराबरको कारोबार भएको थियो । तर, यस वर्ष बजारमा माग घटेसँगै खसीबोका तथा च्याङ्ग्राको बिक्री र कारोबार रकमसमेत घटेको हो ।
सङ्घका अध्यक्ष जीवनराज खड्काका अनुसार गत वर्षको तुलनामा यस वर्ष १५ हजारले खसीबोका तथा च्याङ्ग्राको बिक्री घटेको छ । गत वर्षको दसैँमा ५५ हजार सङ्ख्यामा बिक्री भएकोमा यस वर्ष ४० हजारमा सीमित भएको उनले बताए।
कलङ्कीस्थित खसीबजारमा पनि यस वर्ष बिक्री घटेको छ । अघिल्लो वर्षको दसैँमा उक्त बजारबाट २४ हजार खसीबोका बिक्री भएकामा यस वर्ष १७ हजार मात्रै बिक्री भएका छन् । अन्य बजारबाट २३ हजार खसीबोका तथा च्याङ्ग्रा बिक्री भएको सङ्घले जनाएको छ ।
गत वर्षको तुलनामा यस वर्ष बिक्री सङ्ख्या र कारोबार रकम दुवै घट्नुले दसैँका लागि खसीबोका तथा च्याङ्ग्राको बजार माग कमजोर भएको देखिएको छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- बडादसैँको अन्तिम दिन: देवी महालक्ष्मीको पूजा आराधना गरिँदै
- आगामी पाँच दिन देशका हिमाली र पहाडी क्षेत्रमा आंशिक बदली, केही स्थानमा वर्षा र हिमपातको सम्भावना
- पश्चिमी वायुको आंशिक प्रभाव, हिमाली र पहाडी क्षेत्रमा हल्का वर्षा र हिमपातको सम्भावना
- दशैँको टीका र आशीर्वाद थाप्ने क्रम आज त्रयोदशीकाे दिन पनि जारी
- भक्तपुरमा ४६औँ नेपालभाषा साहित्य तःमुंज्या सुरु
- दशैँको टीका लगाउने क्रम जारी
- एनपिएलको टिकट मूल्य निर्धारण, सामान्य टिकट ५०० रुपैयाँदेखि
- पाथीभरामा तीन महिनामा ३३ लाखभन्दा बढी भेटी संकलन
- बडादशैँको टीका र आशीर्वाद थाप्ने क्रम जारी
- देशभर हर्षोल्लासका साथ विजया दशमी मनाइयो
प्राप्त प्रतिक्रिया
तपाईँको मत
.png)
प्रतिकृया दिनुहोस