अर्थतन्त्र

गोर्खाज फाइनान्सकाे मुनाफामा उल्लेखनीय बृद्धि 

काठमाडाैं । गोर्खाज फाइनान्सकाे खुद मुनाफामा उल्लेखनीय बृद्धि भएकाे छ ।  

फाइनान्सले चालु आर्थिक वर्षको दोस्रो त्रैमासमा १७ करोड ३ लाख रुपैयाँ नाफा गरेको छ । फाइनान्सको नाफा गत वर्षको यसै अवधिको तुलनामा १० करोड ९१ लाख अर्थात १७८ प्रतिशत बढी हो । गत आर्थिक वर्षको यसै अवधिमा फाइनान्सले ६ करोड १२ लाख रुपैयाँ खुद नाफा आर्जन गरेको थियो।

फाइनान्सले १३ करोड ७३ लाख रुपैयाँ खुद ब्याज आम्दानी गरेको छ भने १४ करोड ३० लाख रुपैयाँ अन्य सञ्चालन आम्दानी गरेको छ । 

अन्य संचालन आम्दानीमा आएको उच्च सुधारले फाइनान्सको नाफा बढेको हो । 

८६ करोड ६५ लाख रुपैयाँ चुक्ता पूँजी  रहेको फाईनान्सको जगेडा कोषमा ७४ करोड रुपैयाँ सञ्चित छ भने शेयरधनीकोष २३ लाख रुपैयाँले ऋणात्मक देखिन्छ ।

पुस मसान्तसम्ममा ७ अर्ब ७२ करोड ४७ लाख रुपैयाँ निक्षेप संकलन गरेको फाईनान्सले ५ अर्ब ४६ करोड ७७ लाख रुपैयाँ कर्जा लगानी गरेको छ। समीक्षा अवधिसम्ममा फाईनान्सले १३ करोड ७३ लाख रुपैयाँ खुद ब्याज आम्दानी गरेको छ। यो गत वर्षको यसै अवधिको तुलनामा ३ करोड ५५ लाख कम हो ।

फाइनान्सको प्रतिशेयर आम्दानी ३९ पैयाँ २५ पैसा छ भने प्रतिशेयर नेटवर्थ १८५ रुपैयाँ २१ पैसा, मूल्य आम्दानी अनुपात ७.०८ गुणा रहेको छ । 

गाउँ सहर संवाददाता