अर्थतन्त्र

पुष मसान्तकाे शेयरबजार उत्साहजनक रह्याे

काठमाडाैं । नियमित रूपमा उकालाे लागिरहेकाे शेयरबजारले बुधबार पनि रेकर्ड कायम गरेको छ । बुधबार नेप्से सूचकले १८.८१ अंकले बढेर २२८६.५५ विन्दुको नयाँ रेकर्ड बनाएको हो । 

आज २०७ वटा कम्पनीको १ करोड ३२ लाख ८९ हजार ८४९ कित्ता शेयर ५ अर्ब ९१ करोड ४३ लाख रुपैयाँमा खरिद बिक्री भएको छ ।

यस दिन कर्पोरेट डेभलपमेन्ट बैंकको शेयरमूल्य सबैभन्दा धेरै १० प्रतिशतले बढ्दा आरम्भ चौतारी, फर्स्ट माइक्रोफाइनान्स, इन्फिनिटि लघुवित्त, नारायणी डेभलपमेन्ट बैंक लगायताको १२ वटा कम्पनीको शेयरमूल्य ९ प्रतिशतभन्दा धेरैले बढेको छ। यता मल्टिपर्पस फाइनान्सको शेयरमूल्य सबैभन्दा धेरै ४.७१ प्रतिशतले घटेको छ 

यस दिन कारोबारमा आएकामध्ये १२९ वटा कम्पनीको शेयरमूल्य बढेको छ भने ३८ वटाको शेयरमूल्य घटेको छ । ८ वटा कम्पनीको शेयरमूल्यमा भने कुनै परिवर्तन भएन ।

सबैभन्दा धेरै नेपाल दुरसञ्चार कम्पनीको २६ करोड ५५ लाख रुपैयाँ बराबरको शेयर कारोबार भएको छ ।

 

गाउँ सहर संवाददाता