खेल

चौथो सुनापति राष्ट्रपति रनिङ शिल्ड खेलकुद प्रतियोगिता सम्पन्न

• गाउँ सहर संवाददाता
• २९ माघ आइतबार, २०७९ | ०९:०८:०० मा प्रकाशित

सुनापति, रामेछाप । सुनापति गाउँपालिका अन्तर विद्यालय स्तरीय राष्ट्रपति रनिङ शिल्ड प्रतियोगिता सम्पन्न भएकाे छ । 

प्रतियोगितामा अग्लेश्वर मावि दिमिपोखरी प्रथम, कृष्णपुरी मावि रुपाकोट द्वितिय, पशुपति मावि हिलेदेवी तृतिय र मावि मन्दर मेलचौर थौथो भएका छन् ।

सुनापति गाउँपालिकाको प्रायोजन र सुनापति खेलकुद विकास समितिको आयोजनामा सञ्चालित खेकुकूद प्रतियाेगिता सुनापति गाउँपालिकाकाे केन्द्र सम्पन्न भएकाे हाे ।

विजेता खेलाडीहरुलाई बागमती प्रदेशसभाका सांसद युवराज चौलागाई, गाउँपालिकाका अध्यक्ष ठूलोकान्छा तामाङ र खेलकुद विकास समिति सुनापतिका अध्यक्ष होम बहादुर खपाङी मगरले पुरस्कार र प्रमाणपत्र संयुक्त रुपमा वितरण गरेका थिए ।

विजयी प्रतियोगिहरुले क्रमश, २५, २० र १५ हजार नगर पुरस्कारको साथै प्रमाणपत्र प्राप्त गरेका छन् ।

तीन दिनसम्म चलेकाे खेलमा प्रतियोगितामा भलिबल, कबडी, एथेलेक्टिस, लमजम्म, हाइजम्प लगाएका खेल सहभागी गराइएको थियो । प्रतियोगितामा करिब सात सय भन्दा बढी विद्यार्थीहरुले प्रतिस्पर्धा गरेका थिए ।

गाउँपालिकाभित्र रहेका ११ वटा माविका विद्यार्थीहरु सहभागी जनाएका थिए । 

खेलकाे उद्घाटन बिहीबार राष्ट्रिय खेलकुद परिषद्का सदस्य सचिव टंकलाल घिसिङले गरेका थिए ।