कृषि

सुनापति गाउँपालिकाद्वारा तीन उत्कृष्ट कृषकलाई पुरस्कृत

• गाउँ सहर संवाददाता
• २४ असार आइतबार, २०८० | १७:०१:०० मा प्रकाशित

रामेछाप । सुनापति गाउँपालिकाले पशुपन्छिपालन तर्फको तीन उत्कृष्ट कृषकलाई पुरस्कृत गरेकाे छ । 

पालिकाले आइतबार एक कार्यक्रम गर्दै पालिका अध्यक्ष ठुलो कान्छा तामाङ, उपाध्यक्ष गीता बिष्ट, प्रमुख प्रशासकीय अधिकृत देबेन्द्र सुबेदी तथा वडा अध्यक्षहरुले उनीहरूलाई संयुक्त रूपमा पुरस्कृत गरेका गरेका हुन् ।

पुरस्कृत हुने कृषक तथा फर्महरुमा सुनापति-४, बेथानका मनिष खड्का/शंकर खड्का पशुपन्क्षीपालनतर्फ (सुनापती पशुपन्क्षीपालन तथा अनुसन्धान केन्द्र) सर्वाेत्कृष्ट छनाेट भइ पुरस्कृत भए भने सुनापती-३ हिलेदेविका हरिमाया मगर बाख्रापाल (भक्त कृषि तथा पशुपन्क्षी फर्म) र सुरोज घिसिङ/वीरबहादुर तामाङ बङ्गुरपालनमा (सुनापति स्वाँरा बङ्गुर तथा पशुपन्क्षी फर्म सुनापती) उत्कृष्ट कृषकमा छनाेट हुन सफल भएका हुन् । 

पुरस्कृत हुने कृषकहरू पालिकाकाे पशु सेवा शाखाले पशुपन्छीपालनतर्फ उत्कृष्ट पुरस्कार कार्यक्रममा गाउँपालिकाकाे कार्यालयमा पेश हुन आएकाे आवेदन मध्ये 'सुनापति गाउँपालिकाकाे पशुपन्छीतर्फ उत्कृष्ट कृषक पुरस्कार सम्बन्धी मापदण्ड, २०८०' अनुसार छनाेट भएका हुन् ।