अर्थतन्त्र

सिटिजन लाइफ इन्स्योरेन्सद्वारा झापाका ग्राहकलाई बीमा दाबी रकम भुक्तानी

• गाउँ सहर संवाददाता
• ४ मङ्सिर शनिबार, २०७८ | १५:१४:०० मा प्रकाशित

झापा । सिटिजन लाइफ इन्स्योरेन्स कम्पनिले बीमा दाबी भुक्तानी गरेको छ ।

 

सहकारीमार्फत लिएको बीमितको ऋण बीमा बापतको रकम इन्स्योरेन्स कम्पनीले भुक्तानी गरेको हो ।

झापा चन्द्रगढी शाखा प्रमुख बिपिन राइ, सिनियर एजेन्सी मेनेजर इश्वरी प्रसाद बराल तथा शाखाका सम्पूर्ण एजेन्सी मेनेजरहरुले आदर्श साकोसलाई हस्तान्तरण गरेका हुन् ।

आदर्श साकोसले चन्द्रगढी शाखामार्फत सिटिजन लाइफ इन्स्योरेन्स कम्पनीको ऋण बीमा गरेकी लक्ष्मीकुमारी केरुङ्गको निधन भएकोमा ऋण बापतको रकम तथा काज किरिया खर्च समेत गरि दुई लाख दस हजार आदर्श साकोसका व्यवस्थापक प्रकाश पोखरेललाई हस्तान्तरण गरिएको हो ।

कम्पनीका चन्द्रगढी शाखा प्रमुख राइले मृतक आत्माको चिरशान्तिको कामना गर्दै शोक सन्तप्त परिवारजनमा हार्दिक समवेदना व्यक्त गर्दै यस्तो दुखद घडीमा कम्पनीले सहज रुपमा दावी भुक्तानी गरी बीमाप्रतिको जनविश्वास बढाउँदै उत्कृष्ट सेवा प्रदान गर्न कम्पनी सधैँ बीमितको साथ रहने प्रतिवद्धता व्यक्त गरे ।