अर्थतन्त्र

दाेहाेराे अंकले नेप्से घट्याे, लगानीकर्ताले नाफा बुक गर्दै क्षेत्र परिवर्तन गर्न थाले

काठमाडाैं । साताको अन्तिम कारोबार दिन बिहीबार शेयर बजार सूचक माप नेप्से दाेहाेराे अंकले गिरावट आएकाे छ । 

यसदिन नेप्से सूचक १८.१७ अंकले घटेर ३१८०.८६ विन्दुमा झरेको छ । नेप्से परिसूचक घटेपनि कारोबार रकम २० अर्ब रुपैयाँ बराबरको भएको छ ।

यसदिन लगानीकर्ताको सेक्टर परिवर्तन गरेकाे देखिन्छ । बिहीबार लगानीकर्ताहरुको प्रवेश बीमा क्षेत्रमा भएको छ । विद्युत नियमन आयोगले हाइड्रोपावर कम्पनीहरुमा अध्ययन गरेर मात्रै लगानी गर्न आग्रह गरेपछि बिहीबार हाइड्रोपावर कम्पनीहरुकाे शेयरमूल्यमा गिरावट देखिएकाे छ । 

२२९ कम्पनीको ३ करोड ९ लाख १२ हजार ६९७ कित्ता शेयर २० अर्ब ४९ करोड ९२ लाख १० हजार ७६७ रुपैयाँमा खरीद बिक्री भएका छन् ।

बिहीबार जीवन विकास लघुवित्त, रिडी हाइड्रोपावर, साना किसान लघुवित्त, सिइडिबी हाइड्रोपावर, युनाइटेड इन्स्योरेन्स कम्पनीलगायकतकाे शेयरमूल्य बढेकाे छ । 

एचआइडिसिएल, खानीखोला हाइड्रोपावर र पञ्चकन्या माई हाइड्रोपावर, ङादी ग्रुप अफ पावरलगायतका शेयरमूल्य घटेकाे छ ।

यसदिन अरुण काबेली पावर र अरुण भ्याली हाइड्रोपावरको १ अर्बभन्दा बढीको शेयर कारोबार भएको छ । नेशनल हाइड्रोपावर, रिडी, एचआईडिसीएल, कामना सेवा, लुम्बिनीविकास बैंक, ङादी ग्रुप पावर, ज्योति विकास बैंक र अपि पावरको उच्च कारोबार भएको छ । 

गाउँ सहर संवाददाता

तपाईँको मत