अर्थतन्त्र

नेप्से परिसूचक ४१ अंकले बढ्दा कारोबार रकम पनि उकालाे

• गाउँ सहर संवाददाता
• ११ चैत बुधबार, २०७७ | १५:२७:०० मा प्रकाशित

काठमाडौं । साताकाे चाैथाे दिन बुधबार सेयर बजार मापक नेप्से परिसूचक ४१.३६ अंकले बढेकाे छ ।  

बढेर २५७०.३१ अंकमा बन्द भएको नेप्सेमा हाइड्रोपावरबाहेक सबै उपसूचकमा पनि हरियाली छाएको छ । होटेल तथा पर्यटन उपसूचक सर्वाधिक ५.४४ प्रतिशत र लगानी उपसूचक ५.५ प्रतिशतले वृद्धि भएको छ । यस्तै, लघुवित्त उपसूचक २.६९ प्रतिशतले वृद्धि हुँदा बजारलाई लिड गर्ने बैंकिङ उपसूचक १.२८ प्रतिशतले वृद्धि भएको छ ।

यसदिन १ करोड ६९ लाख ३४ हजार ८९३ कित्ता सेयर ६ अर्ब ६७ करोड ४४ लाख २३ हजार ९४१ रुपैयाँमा कारोबार भएको छ ।

आजको कारोबारमा सबैभन्दा बढी कमाउने शीर्ष कम्पनीमा साल्ट ट्रेडिङ, एचआइडीसीएल, चन्द्रागिरि हिल्स, आरएसडीसी लघुवित्त र माउन्टेन हाइड्रो छन् ।

त्यसैगरी सबैभन्दा बढी गुमाउने कम्पनीमा राइराङ हाइड्रोपावर, माथिल्लो तामाकोसी, सानजेन जलविद्युत् कम्पनी, खानीखोला हाइड्रोपावर र जोशी हाइड्रोपावर डेभपलमेण्ट कम्पनी छन् ।

बजार परिसूचक बढेसँगै कारोबार रकम पनि बढेको छ । आज नेप्सेमा  ७२ हजार ९५७ पटकमा २०८ कम्पनीको १ करोड ६९ लाख ३४ हजार ८९३ कित्ता सेयर किनबेच हुँदा ६ अर्ब ६७ करोड ४४ लाख २४ हजारको कारोबार भएको छ । कारोबार रकममा नेपाल इन्फ्रास्ट्रचर बैंकको सर्वाधिक ६५ करोड १५ लाख २ हजारको कारोबार भएको छ । यस्तै, अपर तामोकोसीको ४१ करोड ५७ लाख ६० हजारको कारोबार भएको छ ।