जनगणनाको लागि ४८ हजार कर्मचारी करारमा भर्ना गर्दै तथ्यांक विभाग
- गाउँ सहर डेस्क
- ११ माघ आइतबार, २०७७ | १५:१३:०० मा प्रकाशित
काठमाडौँ । जनगणनाको लागि तथ्यांक विभागले करारमा ४८ हजार कर्मचारी भर्ना गर्ने भएको छ । सरकारले १२ औं राष्ट्रिय जनगणनाको लागि ४८ हजार कर्मचारी भर्ना गर्ने भएको हो । जनगणनामा खटिने गणक र सुपरिवेक्षेक करारमा भर्ना गर्न लागेको हो । केन्द्रीय तथ्यांक विभागले आइतबार विभागमा एक कार्यक्रमको आयोजना गरेर जनगणनाको लागि गणक र सुपरिवेक्षक भर्ना गर्न लागेको जानकारी दिएको हो ।
यो पटक कोभिडका कारण धेरै मानिस बेरोजगार भएको हुँदा शिक्षकहरूलाई सहभागी नगराइ स्वतन्त्र रुपमा लिन लागिएको विभागले जनाएको छ । ‘जनगणनामा खटिने गणकका लागि १ महिना र सुपरिवेक्षेको लागि २ महिनाका लागि करारमा कर्मचारी भर्ना गर्न लागिएको विभागका महानिर्देशक नेविनलाल श्रेष्ठले बताएका छन् ।
विभागले २ महिनाको समय दिएर कर्मचारी भर्ना खुलाएको हो । २०७७ माघ ११ देखि चैत ११ गतेसम्म इच्छुक व्यक्तिले संस्थाको वेवसाइटमा गएर स्मार्ट मोबाइल फोनबाट फारम भर्न सक्ने व्यवस्था मिलाएको छ ।
यसका साथै स्मार्ट फोन नहुने इच्छुक व्यक्तिहरुले स्थानीय तहमा गएर जनगणनको लागि दरखास्त राख्न आग्रह गरेको छ । हरेक १०—१० वर्षमा हुने उक्त जनगणनामा खटिने गणकहरूले जनगणना हुने १५ दिनमा औसतमा १५० घरपरिवारको गणना गर्नुपर्ने छ ।
जनगणनालाई चुनावले कुनै असर नपार्ने राष्ट्रिय योजना आयोगका सचिव केवलप्रसाद भण्डारीले बताएका छन् । ‘सुपरिवेक्षकको तालिम त्यहि बेलामा पर्ने भएपनि यसलाई मिलाएर लैजान सकिन्छ,’ । उनले भने
तालिमका लागि तथ्यांक विभाग आइरहनु पर्दैन । जनगणनाका लागि स्थानीय तहमा खुलेका कार्यालयमा तालिम दिने हो । चुनाव भएकाले म्यादी प्रहरीमा भर्ना हुन चाहने व्यक्तिले समेत गणक तथा सुपरिवेक्षकमा दरखास्त दिन सक्नेछन् ।
निर्देशक लामिछाने भने ‘अन्य काम भइरहेको छ । हामी प्रश्नावली छाप्ने तयारीमा छौं ।’ जनगणनामा प्रयोग हुने अन्य सामग्रीको पनि व्यवस्था हुँदैछ ।’
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस