स्वास्थ्य

नयाँ स्वरूपकाे काेराेनाभाइरस कति खतरनाक ? नयाँ अध्ययन के भन्छ ?

• एजेन्सी
• १० माघ शनिबार, २०७७ | १७:२५:०० मा प्रकाशित

बेलायतमा पहिलो पटक देखिएर विश्वका विभिन्न भागमा फैलिएको कोरोनाभाइरसको रुपान्तरित स्वरुप झनै खतरानाक रहेको प्रारम्भिक प्रमाणहरुले देखाएका छन् ।

बेलायती प्रधानमन्त्री बोरिस जोन्सनले प्रमाणहरुले नयाँ प्रकारको कोरोनाभाइरस थप घातक देखाएको बताएका हुन् । तर यसमा थप अनुसन्धानको खाँचो रहेको र खतराको तह स्पष्ट हुन बाँकी रहेको वैज्ञानिकहरुले बताएका छन् ।

विकास भएका खोपहरुले नयाँ प्रकारको कोरोनाभाइरसविरुद्ध पनि काम गर्ने देखिएको अध्ययनले भनेको छ । रुपान्तरित स्वरुपकाे कोरोनाभाइरस तीव्र गतिमा फैलिने खालको छ ।

पछिल्लो अध्ययनले तीव्र गतिमा संक्रमण फैलिनेसँगै नयाँ प्रकारको भाइरसका कारण हुने मृत्युदर पनि अधिक हुन सक्ने देखिएको प्रधानमन्त्री जोन्सनले बताएका हुन् ।