स्वास्थ्य

कोरोनाको नयाँ भेरिएन्ट, ४ को मृत्यु, कति खतरनाक ?

• गाउँ सहर संवाददाता
• २ पौष सोमबार, २०८० | १७:११:०० मा प्रकाशित

काठमाडाैँ। भारतको केरला राज्यमा कोभिड-१९ को नयाँ भेरियन्ट फेला परेको छ। राज्यमा कोभिड-१९ को जेएन.१ भेरिएन्टका केसहरू बढ्दै गएका छन्।

केरला प्रशासनले कोभिडको बढ्दो केसहरूबाट नडराउन अपिल गरेको छ। केरलामा हाल एक हजार तीन सय २४ कोरोनाका सक्रिय केसहरू छन्। शनिबार मात्रै चार कोरोना संक्रमितको मृत्यु भएको स्वास्थ्य अधिकारीहरूले बताएका छन्।

अधिकारीहरूका अनुसार परीक्षण दर बढाइएकाले सङ्क्रमणको दर बढेको हो। तर नयाँ भेरिएन्टहरू थाहा पाउने एक मात्र तरिका जिनोम अनुक्रमण गरिएको नमुनाहरू एकदमै थोरै भएकोले जेएन.१ भेरिएन्टका कति केसहरू छन् भन्ने यकिन छैन।

डिसेम्बरको सुरुमा केरलामा हल्का इन्फ्लुएन्जा भएकी ७९ वर्षीया महिलामा जेएन.१ सब-भेरियन्ट सङ्क्रमण देखा परेको थियो।

यस प्रकारको सङ्क्रमण चीन र अमेरिकामा पनि भेटिएको छ।