शान्ति उदय माविको ६४औं बार्षिकोत्सव
- विष्णुहरि पाैडेल
- ३ माघ बुधबार, २०८० | १२:५६:०० मा प्रकाशित
पोखरा । पोखरा महानगरपालिका वडा नं ३३ भरतपोखरी वरपाण्डे थुम कैलाशस्थित शान्ति उदय माबिको ६४औं बार्षिकोत्सव तथा ६५औं अभिभावक दिवस मंगलबार सम्पन्न भएको छ ।
कार्यक्रमको कास्की क्षेत्र नं २ बाट निर्बाचित प्रतिनिधि सभा सदस्य बिद्या भट्टराईले उद्घाटन गर्दै सार्वजनिक विद्यालयमा राम्रो पढाइ हुदैन भन्ने भास्य परिवर्तन गर्नु जरूरी रहेको बताइन् ।
विद्यार्थी संख्या कम छ भन्ने आधारमा विद्यालय कमजोर छ भन्न नहुनेमा उनको जोड थियो । विद्यालय राम्रो बनाउने काममा सबै पक्षको समान भूमिका हुने भन्दै उनले विद्यालय कस्तो बनाउने भन्ने स्थानीय तहलाई अभिभारा रहेकाले त्यसको सम्पूर्ण अधिकार र दायित्व स्थानीय तहमा निहित रहेको बताइन् ।
गण्डकी प्रदेश सभा सदस्य भीम बहादुर कार्कीले अन्तर्राष्ट्रिय जगतमा प्रतिष्पर्धी जनशक्ति उत्पादन अहिलेको चुनौती भएको भन्दै दक्ष जनशक्ति उत्पादनका योजना र आवश्यक नीति निर्माणमा आफूहरू हरहमेशा लागिरहने उल्लेख गरे ।
कार्यक्रममा पोखरा महानगरपालिका शिक्षा महाशाखा प्रमुख हेमप्रसाद आचार्य, नेपाल पर्यटन बोर्डका सदस्य मदन कुमार आचार्य, शिक्षक अभिभावक संघका अध्यक्ष शिवराज आचार्य, प्रधानाध्यापक टेकनारायण गिरी, पूर्व प्रधानाध्यापक कमलप्रसाद आचार्य, साबिक भरत पोखरी गाविस पूर्व अध्यक्ष यज्ञप्रसाद अधिकारी, पूर्व उपाध्यक्ष मनोहर आचार्य, पूर्व विद्यार्थी मञ्चका अध्यक्ष मोति भुजेल सहितले मन्तव्य व्यक्त गरेका थिए ।
सोही अवसरमा मेगा बैकको बित्तीय सहयोगमा विद्यालय हातामा नबनिर्मित सरस्वती मन्दिरको प्रमुख अतिथी भट्टराईले उद्घाटन गरिन् ।
बार्षिकोत्सब कार्यक्रममा शैक्षिकसहित विभिन्न अतिरिक्त क्रियाकलापमा बिजेता विद्यार्थीहरूलाई पुरष्कृत गरिनुका साथै विभिन्न छात्रवृत्ति समेत प्रदान गरिएको थियो भने बिद्यार्थीहरूले विभिन्न सास्कृतिक कार्यक्रम प्रस्तुत गरेका थिए ।
विद्यालय ब्यबस्थापन समितिका अध्यक्ष ऋषिराज आचार्यको अध्यक्षतामा सम्पन्न कार्यक्रममा स्वागत सहायक प्रधानाध्यापक राजेन्द्रप्रसाद बस्ताकोटी र सञ्चालन शिक्षक देबराज पौडेलले गरेका शिक्षक बेदनाथ आचार्यले जानकारी दिए ।
विष्णुहरि पाैडेल
पाैडेल गाउँ सहर डटकमका पाेखरा संवाददाता हुन् ।
- १२औं संस्करणको राष्ट्रिय हेमजा आलु महोत्सव सुरु
- वेगनासतालमा प्रथम ड्रागन बोट रेस प्रतियोगिता हुने
- लेखनाथमा खेल महोत्सव शुरु : उद्घाटन खेलमा आयोजक सुर्यताराको विजयी शुरुवात
- पोखरा बृद्धाश्रमको २८ औं स्थापना दिवस
- पोखराकाे छिनेडाँडामा स्थानीय महोत्सव सम्पन्न
- पोखरामा चैते धानको पकेट क्षेत्र घोषणा गर्न छलफल
- पोखरामा विश्व सिमसार दिवस मनाइयो
- वेगनासमा पुरस्कारसहित मह खाने प्रतियोगिता
- पोखरा महोत्सव सुरू, सभामुख घिमिरेले गरे उद्घाटन
- लेखनाथ साहित्य पुरस्कार किञ्जल र पत्रकारिता पुरस्कार दीपकलाई प्रदान
प्रतिकृया दिनुहोस