वेस्ट इन्डिजविरुद्ध जितका लागि नेपाललाई २०५ रनको लक्ष्य
- गाउँ सहर संवाददाता
- १५ बैशाख शनिबार, २०८१ | १४:१३:०० मा प्रकाशित
काठमाडाैं । कप्तान रोस्टन चेसको आक्रामक ब्याटिङमा वेस्ट इन्डिज ए टोलीले घरेलु टोली नेपालसामु जितका लागि २ सय ५ रनको विशाल लक्ष्य प्रस्तुत गरेको छ।
कीर्तिपुरस्थित त्रिवि क्रिकेट मैदानमा नेपालले टस जितेर फिल्डिङ रोजेपछि ब्याटिङ गरेको वेस्ट इन्डिज एले निर्धारित २० ओभरमा ५ विकेटको क्षतिमा २ सय ४ रनको योगफल तयार पारेको हो।
वेस्ट इन्डिज एका लागि कदिम एलियन १४ किमो पल शून्य रनमा नटआउट रहे।
कप्तान रोस्टन चेस ४७ रन बनाउँदा क्याच आउट हुन पुगे। ४६ बलमा ९ चौका र २ छक्का हानेका रोस्टन अन्तिम ओभरको चौथो बलमा दीपेन्द्रको बलमा कुशल मल्लको हातबाट क्याच आउट हुन पुगे।
ओपनर एलिक एथानाजेले ४६ रन थपे। एलिस सातौँ ओभरको पाँचौँ बलमा रोहित पौडेलको बलमा ललित राजवंशीको हातबाट क्याच आउट भए।
३८ रन बनाएका केसी कार्टी अविनास बोहोराको बलमा दीपेन्द्रसिंह ऐरीको हातबाट क्याच आउट हुन पुगे।
आन्द्रे फ्लेचर १३ रन बनाउँदा रन आउट भए। जोनसन चाल्र्स शून्य रनमै कमलसिंह ऐरीको बलमा बोल्ड आउट भए।
नेपालका लागि कप्तान रोहित पौडेल, कमल ऐरी, अविनास बोहोरा र दीपेन्द्रसिंह ऐरीले समान एक/एक विकेट लिए।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- रेडक्रस दिवसका अवसरमा लिटल फ्लावरमा विविध कार्यक्रम
- प्रभु बैंकका ग्राहक तथा सेयरहोल्डरले न्यूरो कार्डियो हस्पिटलमा पाउनेछन् यी छुट
- ग्लोबल आइएमई बैंककाे वित्तीय साक्षरता कार्यक्रममा २० हजार बढीको सहभागिता
- नेप्सेमा सामान्य गिरावट, कारोबार रकम उस्तै
- सुनकोशी-मरिण डाइभर्सन सुरुङ छिचोलियो
- आज आमाको मुख हेर्ने दिन, आमाबाट आशीर्वाद लिई मनाइँदै
- सुनील पौडेललाई ९ वर्ष कैद र २३ करोड बढी जरिवाना
- शेयरबजार : नेप्सेमा सामान्य अंककाे वृद्धि
- एन आई सी एशिया बैंकद्वारा राष्ट्रिय महिला फुटबल टोलीलाई सम्मान
- प्रभु बैंक ग्राहक र कर्मचारीहरुलाई समर्पण हेल्थ केयर सेन्टर विशेष छुट हुने
प्रतिकृया दिनुहोस