गाउँ सहर

पराेपकारी युवासञ्जाल नेपाल र दाह्री ग्याङ्गद्वारा न्यानाे लुगा र शैक्षिक सामाग्री बितरण

• गाउँ सहर संवाददाता
• २७ कार्तिक शनिबार, २०७८ | २०:३४:०० मा प्रकाशित

काठमाडाैं । पराेपकारी युवासञ्जाल नेपाल र दाह्री ग्याङ्ग मकवानपुरले बिपन्न बालबालिकाहरूलाई न्यानाे लुगा र शैक्षिक सामाग्री बितरण गरेकाे छ । 

मकवानपुरको आमभन्ज्याङ्ग -१, देउराली डाँडामा रहेको श्री उज्ज्वल प्राथमिक अध्यनरत ४० बिपन्न बालबालिकाहरूलाई न्यानाे लुगा र शैक्षिक सामाग्री बितरण गरेकाे हाे ।

सञ्जालका संयोजक रमेश सापकाेटाका अनुसार बिपन्न बालबालिकाको लागि जाडोमा पठनपाठनमा प्रेरित गर्न न्यानो कपडा र शैक्षिक सामाग्री बितरण गरेको हाे ।

बिगत लामो समयदेखि अभावमा रहेका बिपन्न समुदायलाई लक्ष्यित सहयोग कार्यक्रम गर्दै आइरहेको यो सञ्जालले हरेक महिना यस्तो कार्यक्रम गर्दै आइरहेको छ ।

'विशेषगरि बिपन्न बालबालिकालाई शैक्षिक सामाग्री अभावमा पढन बन्चित हुनु नपरोस् भन्दै यो कार्यक्रम जारी राखेको छौँ'- दाह्री ग्याङ्ग मकवानपुरका संयोजक अजित खड्काले भने ।

यो शैक्षिक सत्रमा २ हजार विद्यार्थीलाई सहयोग गर्ने योजना रहेकाे सन्जालका सदस्य उमेश पराजुलीले बताए ।

उक्त कार्यक्रममा परोपकारी युवा सञ्जाल तथा दाह्री ग्याङ्ग मकवानपुरका सदस्यहरुको उपस्थिति थियो ।