शिक्षा

परोपकारी युवा सन्जालद्वारा बारा जितपुरमा शैक्षिक सामाग्री बितरण

• गाउँ सहर संवाददाता
• २१ जेठ मंगलबार, २०७६ | २१:५५:०० मा प्रकाशित

बारा । परोपकारी युवा सन्जालले शिक्षा अभियान अन्तर्गतको कार्यक्रम जितपुर सिमरा उप-महानगरपालिका -३ बजनीमा रहेको श्री नेपाल राष्ट्रिय आधारभुत विद्यालयमा अध्यनरत बिपन्न विद्यार्थीलाई विभिन्न शैक्षिक सामाग्री बितरण गरिएकाे सञ्जालका संयाेजक रमेश सापकाेटाले बताए ।

संयाेजक सापकाेटाका अनुसार कम्प्युटर २ थान,,सिलिङ फ्यान १० थान, ब्याग ८३ वटा, कपि ४८६ वटा बितरण गरिएकाे छ । 

त्यसैगरि डटपेन १२० थान, पेन्सिल २४०, इरेजर तथा कटर ४०/४०, भलिबल १ थान, ब्याट मिन्टन २ थान र डाेरी ३ थान बितरण गरिएकाे सापकाेटाले बताए ।

संस्थाका सदस्य निश्चल बिमलीका अनुसार परोपकारी काममा केही सहयोग सदस्यहरुबाटै उठाउने तथा केहीदेश विदेशबाट सहयोग गर्ने मनकारीबाट संकलन गरेर सहायता वितरण गर्ने गरेको बताए । 

'बाेलेर हाेइन गरेर देखाउ' भन्ने मूल नाराकासाथ समाजसेवा तथा पराेपकारी क्षेत्रमा लागेकाे संजालले महीनमा एउटा सहयाेगकाे कार्यक्रम गर्ने गरेकाे बिमलीले बताए ।