गाउँ सहर

पराेपकारी सञ्जालद्वारा ४२ चेपाङ बालबालिकाहरूलाई न्यानाे लुगा र शैक्षिक सामाग्री बितरण

धादिङ्ग । परोपकारी युवा संजाल नेपालले धादिङ्गको रोराङ्ग-८ यार्बाङ्गका चेपाङ बालबालिकाहरूलाई न्यानाे लुगा र शैक्षिक सामाग्री बितरण गरेकाे छ । 

संजालका सदस्य रमेश सापकाेटाका अनुसार श्री जलकन्या आधारभूत विद्यालयमा अध्ययनरत अत्यन्तै बिपन्न ४२ चेपाङ बालबालिका लागि न्यानो लुगा र शैक्षिक सामाग्री र स्कुल ब्याग सहयोग गरेको हाे ।

बिगत लामो समय देखि अभावमा रहेका बिपन्न समुदायलाई  लक्ष्यित सहयोग कार्यक्रम गर्दै आइरहेको यो संजालले हरेक महिना यस्तो कार्यक्रम गर्दै आइरहेको छ ।

'विशेषगरि बिपन्न बालबालिकालाई शैक्षिक सामाग्री अभावमा पढन बन्चित हुनु नपरोस् भन्दै यो कार्यक्रम जारी राखेको छौँ'- संजालका तिर्थ प्याकुरेलले भने ।

आगामी शैक्षिक सत्रमा २ हजार विद्यार्थीलाई यो सहयोग गर्ने योजना रहेकाे अर्का सदस्य दिपेश पराजुलीले बताए ।

उक्त कार्यक्रममा युवा समाजसेवी हेटौंडाका व्यावसायी रामचन्द्र रुपाखेती लगायत संजालका सदस्यहरु युवराज भन्डारी, विरेन्द्र यादव, नारायण श्रेष्ठ, सन्जय चौधरीको उपस्थिति थियो ।

गाउँ सहर संवाददाता

तपाईँको मत