गाउँ सहर

सल्यान बस दुर्घटना अपडेट : मृतककाे संख्या १२ पुग्याे

सल्यान । सल्यानमा आइतबार भएको बस दुर्घटनामा पर मृत्यु हुनेकाे संख्या १२ पुगेकाे छ ।

जिल्ला प्रहरी कार्यालय सल्यानकाअनुसार मृत्यु हुनेमा १० महिला र २ पुरुष रहेका छन् ।

सल्यानबाट यात्रु बोकेर दाङ तुल्सीपुरतर्फ जाँदै गरेको रा १ ख २५५२ नम्बरको बस कपुरकोट गाउँपालिका- ५ खारखोलामा दुर्घटनाग्रस्त भएको प्रहरीले जनाएको छ ।

दुर्घटनामा तिहार मनाएर फर्किनेहरु दुर्घटनामा परेको जिल्ला प्रहरी कार्यालय सल्यानका डिएसपी गोविन्द थापाले बताए । थापाकाअनुसार २ जनाको सनाखत भएको छ ।

छत्रेश्वरी गाउँपालिका २ का तिलक वली र घोहरी उप महानगरपालिका नारायणपुरका इन्द्रा भण्डारी रहेको प्रहरीले जनाएको छ ।

घाइते मध्ये १७ जनाको अवस्था गम्भीर र १० जना सामान्य अवस्थामा रहेका र उनीहरुको जिल्ला अस्पतालसहित सदरमुकाम खलंगाको स्वास्थ्य केन्द्रहरुमा उपचार भैरहेको छ ।

बस सडकबाट करिब दुई सय मिटर तल खोलामा खसेको छ । घाइतेहरूका अनुसार बस निकै नै तिव्र गतिमा थियो ।

घटनास्थल सदरमुकाम खलंगाबाट बाट १ घण्टाको दुरीमा छ ।

गापाकाे श्रद्धाञ्जली

गाउँ सहर संवाददाता

तपाईँको मत