अर्थतन्त्र

शेयरबजार उकालाे यात्रामा चढ्याे

• गाउँ सहर संवाददाता
• १६ कार्तिक मंगलबार, २०७८ | १५:३८:०० मा प्रकाशित

काठमाडाैं । आज मंगलबार नेप्से परिसूचक २३.७६ अंक बढेर २८४३.६२ विन्दुमा पुगेको छ । सोमबार घटेकाे नेप्से यसदिन दाेहाेराे अंकले बढेकाे हाे । 

यस दिन २३० कम्पनीको ५९ हजार ८८१ पटकको कारोबारमा ६ अर्ब ७ करोड ३७ लाख १६ हजार रुपैयाँ बराबरको ९९ लाख ७७ हजार कित्ता शेयर खरिदबिक्री भएको छ । अघिल्लो कारोबार दिन नेप्सेमा ७ अर्बभन्दा बढीको शेयर कारोबार भएको छ ।

नेप्सेका अनुसार आज कारोबार भएका कम्पनीमध्ये २ कम्पनीको शेयरमूल्यमा उच्च बृद्धि भएको छ । शेयरमूल्यमा उच्च बृद्धि हुने साहस उर्जा कम्पनी र गुडवील फाइनान्स कम्पनी रहेका छन् । आज यी कम्पनीहरुको शेयरमूल्य आज सर्किट लेभलमा बढेको छ ।

त्यस्तै, आज बिशाल बजार कम्पनी, नेपाल बंगलादेश बैंक, आरएमडीसी लघुवित्त लगायतका पाँच कम्पनीको शेयरमूल्यमा सर्वाधिक गिरावट आएको छ ।

कारोबार रकमका आधारमा यस दिन महालक्ष्मी विकास बैंक शीर्ष स्थानमा रहेको छ । सो बैंकको यस दिन ४६ करोड ९७ लाख २३ हजार रुपैयाँ बराबरको शेयर खरिदबिक्री भएको छ ।