अर्थतन्त्र

उतारचढावबीच बुधबार पनि सेयर बजार उकालाे, कारोबार रकममा थप सुधार

काठमाडौं । नेप्से सूचक बुधबार पनि दोहोरो अंकले बढेर बन्द भएको छ । कारोबारमा उतारचढावबीच पनि नेप्से परिसूचक १८ अंकले बृद्धि भइ बन्द भएको छ । यससँगै नेप्से परिसूचक २७६९.१३ अंकमा पुगेको छ ।

गत आइतबारदेखि बढेको बजार बुधबारसम्म आइपुग्दा निरन्तर उकालो लागेको छ ।

बुधबार ६ अर्ब ६१ करोड रुपैयाँको कारोबार भएको छ । यस दिन ६ अर्ब ६१ करोड २६ लाख ४८ हजार ८३९ रुपैयाँ बराबरको १ करोड १५ लाख ९२ हजार २३५ कित्ता शेयर खरिद बिक्री भएको छ । मंगलबार ६ अर्ब ३१ करोड रुपैयाँको शेयर कारोबार भएको थियाे ।

यो दिन १२२ वटा कम्पनीको सेयर मूल्य बढेको छ भने ९२ वटा कम्पनीको सेयर मूल्य घटेको छ । साथै १४ वटा कम्पनीको सेयर मूल्य स्थिर छ ।

उपसमूहतर्फ होटल तथा पर्यटन, विकास बैंक, जलविद्युत् र म्यानुफ्याक्चरिङ एण्ड प्रोसेसिङबाहेकमा उपसूचक हरियो भएका छन् ।

यस दिन बेष्ट फाइनान्सको शेयरमूल्य सबैभन्दा धेरै ८.६८ प्रतिशतले बढेको छ । रैराङ हाइड्रोपावरको शेयरमूल्य सबैभन्दा धेरै ४.७१ प्रतिशतले घटेको छ ।

नविल बैंकको सबैभन्दा धेरै ४३ करोड १८ लाख रुपैयाँ बराबरको शेयर कारोबार भएको छ । 

गाउँ सहर संवाददाता

तपाईँको मत