संक्रामक तथा सरुवा रोग अस्पतालको आवश्यकता पुरा गर्न सहयोग गछौंः अर्थमन्त्री बराल
- गाउँ सहर संवाददाता
- २५ भदौ शुक्रबार, २०७८ | २१:२५:०० मा प्रकाशित
पोखरा । गण्डकी प्रदेशका अर्थ मन्त्री रामजी प्रसाद बराल जीवनले प्रदेशको एक मात्र सामुुदायिक अस्पताल संक्रामक तथा सरुवा रोग अस्पतालको आवश्यकता पुरा गर्न सहयोग गर्ने बताएका छन् ।
पोखरा–३० मोहोरियामा रहेको उक्त अस्पतालाको शुक्रबार अनुगमन तथा निरिक्षण गर्दै मन्त्री बरालले प्रदेशको अस्पताललाई साधन सम्पन्न बनाउन सहयोग गर्ने बताएका हुन् ।
आवश्यकताको आधारमा अस्पतालको भौतिक पूर्वाधार सहितको स्वास्थ्य सामग्री उपलब्ध गराउन प्रदेश सरकारले पहिलो प्रथामिकता राखेर सहयोेग गर्नै पर्ने मन्त्री बरालको भनाई थियो । प्रदेशका जनतालाई स्वस्थ्य राख्न र सरुवा रोगहरुबाट बच्न र बचाउनको लागि पनि पूर्व तयारी गरेर बस्नको लागि अस्पतालको स्तरउन्नती गर्नैै पर्नेमा मन्त्री बरालको जोड थियो । प्रदेशको एउटा मात्र सामुदायिक अस्पताल भएकोले पैसाको अभावले अस्पतालको कुनै पनि सेवा प्रभावित पार्न नहुने उनको भनाई थियो ।
अस्पतालका निर्देशक डा.विकास गौचनले अस्पतालको बारेमा मन्त्री समक्ष जानकारी गराएका थिए । अस्पतालमा नयाँ भवन सहितको अब क्यान्टिन, पार्किङ लगायतका भौतिक संरचना निमार्णको क्रममा रहेको बताएका डा. गौचनले ५० वेडको कोभिड उपचार केन्द्रमा हाल २७ जना बिरामीहरुको निःशुल्क उपचार भई रहेको जनाए । प्रदेश सरकारको स्वामित्वमा आएको १३ महिनामा उक्त अस्पतालबाट करिब ८ सय ५० जना कोरोनाका बिरामीको उपचार भएको उनले जनाए । विभिन्न अनुदानबाट अस्पतालमा गत आर्थिक वर्ष ११ करोड ४१ लाख रुपैयाँ प्राप्त भई प्रति कोभिड बिरामी एक लाख ३९ हजार बराबरको खर्च व्यवस्थापन भएको निर्देशक डा. गौचनको भनाई थियो ।
अस्पताल व्यवस्थापन समितिका अध्यक्ष प्रा.डा. कृष्ण प्रसाद पौडेलले मुठ्ठीदानबाट स्थापना भएको अस्पताललाई हाल प्रदेश सरकारले स्वामित्वमा लिएपछि अब कोभिड संगै न्यूनतम २५÷३० वेडको जनरल(ओपीडी) सेवा समेत संचालन गर्नुपर्ने बताए ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- सय रुपैयाँको नोटमा नेपालको नयाँ नक्सा राख्ने निर्णय
- जापान पठाउने भन्दै २१९ जनालाई ठग्ने पक्राउ
- ग्लोबल आइएमई बैंकको प्रतिबद्धता, प्लास्टिकको खपत कम गरिने
- संसदको बजेट अधिवेशन आव्हान
- शेयरबजार : काराेबार रकम ४ अर्ब नाघ्याे, नेप्सेमा सामान्य अंककाे गिरावट
- रोहित भर्सेस वेस्टइन्डिज ‘ए’ ! तेस्रो हारसँगै नेपालले सिरिज गुमायो
- राष्ट्र बैंकको कारबाहीमा परे ६ बैंक
- जितका लागि वेस्ट इन्डिज ‘ए’ ले दियाे नेपाललाई विशाल लक्ष्य
- टी-२० विश्वकप खेल्ने नेपाली टोलीमा समेटिए यी खेलाडीहरू
- काठमाडौंमा सुरू भयाे सीप मेला, २०८१ जनालाई रोजगारी दिने लक्ष्य
प्रतिकृया दिनुहोस