अर्थतन्त्र

नेप्से ४० अंकले बढेपछि लयमा फर्किएकै हाे त ?

• गाउँ सहर संवाददाता
• १७ फाल्गुण सोमबार, २०७७ | १५:३९:०० मा प्रकाशित

काठमाडाैं । साताकाे पहिलाे दिन शेयरबजारमा दोस्रो कारोबार दिन राहत मिलेकाे छ । 

यस दिन नेप्से परिसूचक ४०.६४ अंक बढेर २५१५.०३ विन्दुमा पुगेको छ । त्यसैगरी, यस दिन सेन्सेटिभ इण्डेक्स ६.४७ अंक, फ्लोट इण्डेक्स २.८४ अंक र सेन्सेटिभ फ्लोट इण्डेक्स २.१५ अंक बढेर बन्द भएको छ ।

नेप्से उकालो लागेपनि यस दिनकाे काराेबार भने घटेको छ । यस दिन बजारमा २०९ कम्पनीको ५ अर्ब ६९ करोड २३ लाख रुपैयाँ बराबरको १ करोड १८ लाख ३८ हजार कित्ता शेयर खरिदबिक्री भएको छ । 

कारोबार रकमका आधारमा यस दिन नेपाल इन्फ्रास्ट्रक्चर बैंक लिमिटेड शीर्ष स्थानमा रहेको छ । सो बैंकको यस दिन ४४ करोड ४८ लाख रुपैयाँ बराबरको शेयर खरिदबिक्री भएको छ ।

आज सबैभन्दा बढी कमाउने शीर्ष १० कम्पनीमा चन्द्रागिरि हिल्स, कर्पोरेट डेभलपमेन्ट बैंक, बरुण हाइड्रोपावर कम्पनी, गुहेश्वरी मर्चेन्ट बैंक एन्ड फाइनान्स र आशा लघुवित्त छन् ।

त्यसैगरी सबैभन्दा बढी गुमाउने कम्पनीमा खानीखोला हाइड्रो, माहुली सामूदायिक वित्तीय संस्था, पञ्चकन्या माइ छन् ।