पृथ्वीनारायण शाहको देनलाई अनुसरण गर्नुपर्नेमा राप्रपाको जोड
- गाउँ सहर डेस्क
- २८ पौष मंगलबार, २०७७ | १६:११:०० मा प्रकाशित
पाँचथर । राप्रपा पाँचथरले पृथ्वी नारायण शाहको जन्म जयन्ति हर्षोल्लासपूर्वक विभिन्न कार्यक्रम गरि मनाएको छ । कार्यक्रममा राष्ट्रियता र राष्ट्रिय एकतालाई मजबुत बनाउन राष्ट्र निर्माता पृथ्वीनारायण शाहका देन र भूमिकालाई व्यवहारमा अनुसरण गर्नुपर्नेमा विशेष जोड दिइएको थियो ।
‘राष्ट्रिय विभूति पृथ्वीनारायण शाहका योगदानको बृहत्तर सम्मान गर्नु आवश्यक छ । संकृचित सोँच नपालेर नेपाल र नेपाली निर्माण गर्ने राष्ट्र निर्माताको ऐतिहासिक योगदानको सर्वत्र कदर हुनुपर्दछ । समयको माग र राष्ट्रिय आवश्यक्ता नै यही हो,’ राष्ट्रिय प्रजातन्त्र पार्टी (राप्रपा) का केन्द्रीय सदस्य मानदेव केरुङले बताएका छन् ।
राप्रपा पाँचथर जिल्ला अध्यक्ष राजकुमार जोशीले युवाहरु नै हालको आशा र भरोसा रहेको बताए । ‘युवा पुस्ताले पृथ्वीनारायण शाह र राजसस्थाको योगदान र अपरिहार्यतालाई मनन् गर्नु भनेको देश र जनताको लागि सकारात्मक र महत्वपूर्ण विकासक्रम हो,’ अध्यक्ष जोशीले भने ।
उनले भने, ‘देशव्यापी रुपमा युवाहरु राजसंस्था र हिन्दुराष्ट्रको माग गर्दै सडकमा आएका छन् । जनताको आवाज सुनेर प्रजातन्त्रलाई सबल बनाउनु सबै नेपालीको कत्यर्व हो,’ ।
२९९ औं पृथ्वी जयन्ती तथा राष्ट्रिय एकता दिवसको अवसरमा राप्रपा जिल्ला कार्य समिति पाँचथरद्वारा आयोजित विचार गोष्ठी तथा चियापान कार्यकक्रममा विभिन्न राजनीतिक दल र स्वतन्त्र व्यक्तित्वहरुले पृथ्वीनारायणको इतिहास र वर्तमान सन्दर्भलाई जोडेर विचार प्रस्तुत गरेका थिए ।
नेपाली कांग्रेसका नेता भुवानी खतिवडा, सघीय लिम्बुवान राज्य परिषदका नेता क्या. सुरेन्द्र जबेगु, नेकपा मालेका नेता लयप्रसाद बाँस्कोटा, नेकपाका नेता सुरेश शाह, पत्रकार महासंघका पूर्व जिल्ला अध्यक्ष लेखनाथ सिकारु, उद्योग वाणिज्य महासंघ पाँचथरका अध्यक्ष दिपक नेपाल, पत्रकार दिपेन्द्र गौतमले मन्त्यव्य प्रस्तुत गरेका थिए ।
यसैगरी राप्रपाको तर्फबाट जिल्ला उपाध्यक्ष कमल चेम्जोङ, प्रवक्ता देवी तुम्बापो, जिल्ला सदस्य गोपाल राई, शिक्षक परिषदका जिल्ला उपाध्यक्ष रिमला जोशीले पृथ्वी जयन्ती तथा राष्ट्रिय एकता दिवसको महत्वबारे चर्चा गरे ।
राप्रपामा युवाहरु प्रवेश
राप्रपा पाँचथरका अध्यक्ष जोशीको अध्यक्षतामा सम्पन्न कार्यक्रममा विभिन्न दल परित्याग गरी ३१ जनाले राप्रपामा प्रवेश गरे । मिक्लाजुङ र फाल्गुनन्द गाउँपालिकाका नवप्रवेशीहरुमा अधिकांश युवा रहेका थिए ।
केन्द्रीय सदस्य केरुङ र जिल्ला अध्यक्ष जोशीले नवप्रवेशीलाई स्वागत गरे । राप्रपामा प्रवेश गर्नेहरुमा दिलीप आङदेङवे, जीवन राई, रोमन राई, अमिर राई, मौसम राई, रवीन्द्र राई, रोशन राई, चन्द्र आङदेङवे, धर्मेन्द्र राई, दिपक राई, पर्वत राई, सरोज राई, बसन्त चम्जोङ, धनबहादुर बस्नेत, उदय राई, टोनी राई, देव केसी, आशिस भट्टराई, मुना राई, निर्जला राई, मीना लावती, निशा राई, एलिसा राई, शान्ताकला राई, संगीता राई, सुस्मिता राई, जिना राई, शान्ता राई, करिश्मा राई, शुशीला राई र जमुना राई रहेका छन् ।
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस