जीवनशैली

खर्च नगरि स्वस्थ्य रहन के गर्ने ?

• लक्ष्मी बलायर
• ७ जेठ मंगलबार, २०७६ | १३:४७:०० मा प्रकाशित

मानव शरीर मेशिनजस्तै हुन्छ जसरी मेशीनलाई तेल, मर्मतसुधार गरेर गतिशिल बनाइन्छ त्यसरी नेै मानव शरीरलाई पनि विभिन्न किसिमका पोषणयुक्त खाना र हेरचारको आवश्यक्ता पर्दछ । आजभोलि धेरै रोगहरु फैलिरहेका छन् जसले मानिसलाई छिटो नै रोगी बनाईरहेको छ । यसर्थ स्वस्थ्य रहन हामीले के गर्नुपर्छ त ? आउनुहोस् जानौँ सधैँ स्वस्थ्य रहन अपनाउनुपर्ने उपायहरुः

-जहिले पनि बाहिरबाट घर आईसकेपछि या कुनै पनि वस्तुमा हात लगाएपछि, खाना पकाउनुअघि, खाना खार्नु अघि साबुन पानीले बेस्सरी धुनुपर्छ जसले गर्दा विभिन्न रोगहरु लाग्नबाट बचाउँन्छ ।

-घरको सरसफाईमा विशेष ध्यान दिनुपर्छ । विशेषगरी भान्सा, शौचालयलाई नियमित सफा राख्नुपर्छ ।

-घरवरिपरी पानी जम्ने खाल्टो छ भने पुरिदिनुपर्छ जसले गर्दा लामखुट्टे र किराबाट हुने संकमणबाट बच्न सकिन्छ ।

-खाना पकाईसकेपछि खानालाई खुल्ला छोड्नुहुदैँन र सधैँ ताजा तरकारी र फलफुलको प्रयोग गर्ने ।

-बासी खानाकुरा र मिती सिध्यिएका वस्तुको प्रयोग नगर्ने ।

-धेरै तेलजन्य, तारेको र मसलाबाट बनेका खानेकुरा नखाने र हरियो सागलाई धेरै पकाउनुहुदैँन धेरै पकाउँदा त्यसमा पाइने पोषण तत्व नष्ट हुने गर्दछ ।

-खानाको साथमा सधैँ सलाद, दही, दुध, हरियो सांग पशस्त मात्रामा खाने र तरकारी र फलफुललाई सफासँग धुएर मात्र प्रयोग गर्ने ।

-चिनी र नुनको मात्रा कम प्रयोग गर्ने र पानी पशस्तै पिउने ।

-आराम गर्ने र सुत्ने कोठालाई जहिले पनि सफा राख्नुपर्छ । ओछ्यान पनि सफा र चिटिक्क मिलाएर राख्नुपर्छ ।

-तनाबबाट बच्न र दिमागलाई एकाग्रता गर्न नियमित योगा, ध्यान र कसरत गर्ने ।

-कहिलेकाही घुम्नुपर्छ र मनोरञ्जनमा पनि समय दिनुपर्छ जसले गर्दा मन र मस्तिष्क दुबै लाई सक्रिय राख्न सहयोग गर्दछ ।

-स्वास्थ्यमा समस्या आउने बितिकै तुरुन्त अस्पताल गएर स्वास्थ्य परिक्षण गराउनुपर्छ ।  एजेन्सी