कला

मिलन कार्कीद्वारा अभिनित म्यूजिक भिडियाे ‘म जन्मिदा...,’ सार्वजनिक

• लक्ष्मी बलायर
• ६ जेठ सोमबार, २०७६ | ०८:४२:०० मा प्रकाशित

काठमाडौं । कलाकार मिलन कार्कीद्वारा अभिनित 'म जन्मिदाँ...' म्यूजिक भिडियाे सार्वजनिक भएकाे छ । 

निर्मल पनेरूकाे गायन तथा शीतल कादम्बीनीकाे शब्द रहेकाे गीतमा म्यूजिक कम्पाेजर हरी लम्सालले गरेका छन् भने म्यूजिक एरेन्जमेन्ट उदयराज पाैडेलका छन् । 

नाटकमा खेल्दै आएका कार्कीलाई म्यूजिक भिडियाेमा पनि जीवन्त अभिनय गरेकाे देख्न सकिन्छ ।

संगीत विषय अध्ययन गरिरहेका कार्की संगीतसँगै नाटकका अभिनय यात्रामा छन् ।

भोजपुरमा जन्मिएका मिलन कार्कीकाे सानैदेखि सङ्गीतप्रति रूची भएपनि करिरयर भने खेलकूदमा बनाउन चाहन्थे । त्यही सपना  बोकेर काठमाडाैं आएका थिए उनले तर बन्न पुगे कलाकार ।

मण्डला थिएटरबाट अभिनयकाे काम शुरु गरेका उनले पहिलो नाटक बैतर्णीमा काम गरे त्यसपछि क्याफे, माइलो, सिरू महारानी नाटकमा अभिनय गरे । 

'लाटीको छोरो’ मा लाटोको भूमिका निभाएका नाटकले उनलाई सबैमाझ चिनाएको बताउँछन् । यसपछि उनले ‘मसानटार’मा सुलसुलेको क्यारेक्टर गरेका थिए ।

भर्खर सार्वजनिक भएकाे म्यूजिक दर्शकहरूले मन पराउनेमा कार्की आशावादी देखिन्छन् । निकेश खड्काले निर्देशन गरेकाे उक्त भिडियाे बुद्ध थापाले खिचेका हुन् भने विकास धमलाले भिडियाे सम्पादन गरेका छन् ।  

म्यूजिक भिडियाेलाई ओएसआर डिजिटल मार्फत युट्यूवमा हेर्न सकिन्छ ।