तीर्थयात्री बोकेको ट्र्याक्टर पोखरीमा खस्दा २२ जनाको मृत्यु
- एजेन्सी
- १२ फाल्गुण शनिबार, २०८० | १८:२४:०० मा प्रकाशित
काठमाडाैं । भारत उत्तर प्रदेशको कासगञ्ज जिल्लामा तीर्थयात्री बोकेको ट्र्याक्टर पोखरीमा खस्दा २२ जनाको मृत्यु भएको छ । दुर्घटनामा २० जनाभन्दा धेरै घाइते भएका छन् ।
उत्तर प्रदेशको जयथारा गाउँबाट गङ्गा नदीमा स्नान गर्न जाने तीर्थयात्री बोकेको ट्र्याक्टर गढाई गाउँ नजिकै पोखरीमा खसेको इन्डियन एक्सप्रेसले जनाएको छ । मृत्यु हुनेमा धेरैजसो महिला र बालबालिका रहेका खबरमा उल्लेख छ ।
घाइतेहरूलाई स्थानीय अस्पतालमा भर्ना गरिएको र पोखरीमा फसेकाहरूलाई उद्धार गरिएको प्रहरीले जनाएको छ । केहीको अवस्था गम्भीर रहेकाले ज्यान गुमाउनेको सङ्ख्या बढ्न सक्ने प्रहरीको भनाई छ ।
तीव्र गतिमा रहेको ट्र्याक्टरकाे ट्रली इन्जिनबाट अलग भएर पोखरीमा खसेको प्रत्यक्षदर्शीले जनाएका छन् । प्रहरीले पनि दुर्घटनाको मुख्य कारण तीव्र गति नै रहेको उल्लेख गरेको छ ।
उत्तर प्रदेशका मुख्यमन्त्री योगी आदित्यनाथले ज्यान गुमाएकाका परिवारलाई दुई लाख र घाइतेहरूलाई ५० हजार भारु राहत दिने घोषणा गर्नुभएको छ ।
एजेन्सी
सम्पूर्ण देशका मुख्य समाचार संस्थाहरू ।
- पहिरोबाट केरलामा १५८ जनाको मृत्यु
- गर्मीका कारण ५१ जनाको मृत्यु
- सबै सरकारी स्वामित्वका उद्योगलाई निजीकरण गर्ने घोषणा
- ब्राजिलमा बाढीबाट १०७ जनाको मृत्यु
- ताइवानमा ६.३ म्याग्निच्युडको भूकम्प
- १ हजार करोड खर्च गरेर अनन्त अम्बानी चाँडै राधिका मर्चेन्टसँग विवाह गर्दै
- विश्वव्यापी वृद्धिको पूर्वानुमानित लक्ष्य प्राप्ति गरेपनि अझै सम्भावित जोखिमप्रति सचेत हुन आवश्यक
- बंगलादेशमा संसदको ३०० निर्वाचन क्षेत्रमध्ये २९९ सिटका लागि आज मतदान
- गाजा पट्टीमा इजरायली हमलामा मृत्यु हुने प्यालेस्टाइनीको सङ्ख्या २२ हजार ६००
- स्वीडेनमा २५ वर्ष यताकै बढी चिसो
.jpeg)
प्राप्त प्रतिक्रिया
तपाईँको मत
प्रतिकृया दिनुहोस