गाउँ सहर

जुम्लाको कनकासुन्दरी गाउँपालिका–५ मा पहिरोमा पुरिएर एकै परिवारका ५ जनाको मृत्यु

• गाउँ सहर संवाददाता
• २२ असोज शनिबार, २०७९ | ११:०९:०० मा प्रकाशित

काठमाडौँ । जुम्लाको कनकासुन्दरी गाउँपालिका–५ मा पहिरोमा पुरिएर एकै परिवारका ५ जनाको मृत्यु भएको छ भने २ जना बेपत्ता छन् । यस्तै, दुई जनाको घाइते अवस्थामा उद्धार गरिएको छ ।

मृत्यु हुनेमा गणेश बहादुर शाही, उनका छोरा रमेश, श्रीमती पानसरा तथा उनीहरुका छोराहरु अनमोल र मिलन रहेका छन् । बाराकोटे बाडा भन्ने ठाउँमा पहिरो जाँदा उनीहरूको पहिरोमा पुरिएर मृत्यु भएको जिल्ला प्रहरी कार्यालय जुम्लाले जनाएको छ ।

उनीहरुका छिमेकी सुरेन्द्र हमाल र गणेश बहादुर शाही भने पहिरोमा बेपत्ता छन् । उनीहरुको खोजी भइरहेको प्रहरीले बताएकाे छ ।

थप विवरण आउन बाँकी छ ।