गाउँ सहर

काठमाडाैँमा खसेकाे मत १ लाख ९१ हजार १८६, स्वतन्त्रका वालेन्द्र जित नजिक

• गाउँ सहर संवाददाता
• १० जेठ मंगलबार, २०७९ | १०:५६:०० मा प्रकाशित

काठमाडौँ । काठमाडौँ महानगरपालिकामा वैशाख ३० गते भएको स्थानीय निर्वाचनमा १ लाख ९१ हजार १८६ मत खसेको थियो । अब लगभग ७० हजारको मतपरिणाम आउन बाँकी रहेको देखिन्छ ।

अहिलेसम्म स्वतन्त्रका वालेन्द्र शाह (वालेन) ले ५० हजार ३० मत प्राप्त गरेका छन् । कांग्रेसकी सिर्जना श्रेष्ठले ३० हजा ७६७ र एमालेका केशव स्थापितले ३० हजार १५ मत प्राप्त गरेका छन् । त्यसैगरी अर्का स्वतन्त्र उम्मेदवार सुमन सायमीले ६ हजार १९३ र राप्रपाका मदनदास श्रेष्ठले २ हजार ९९६ अनि विवेकशीलकी समीक्षा बास्कोटाले ३४४ मत प्राप्त गरेकी छन् ।

उता उपप्रमुखमा ४६ हजार ३४७ मतका साथ एमालेकी सुनिता डंगोलले ननस्टप लिड गरेकी छन् ।

मतगणना संख्या हेर्दा करिब ७० हजार मतको परीक्षा हुन बाँकी छ । यसमा बदर मत उल्लेख नगर्दापनि यहि गतिमा परिणामले अग्रता लिने हो भने वालेन्द्रको जित निश्चित प्रायः देखिएको छ ।