राजनीति

कांग्रेस महाधिवेन : उपसभापतिको मतगणना  आजै, राती १० बजेसम्म नतिजा आउने

काठमाडाैं । कांग्रेसको १४ औं महाधिवेशनअन्तर्गत उपसभापतिको मतगणना  आजैबाट शुरू हुने भएको छ ।

अबको करिब एक घण्टाभित्रमा पार्टी कार्यालय सानेपामा उपसभापतिको मतगणना सुरू गर्ने तयारी रहेको निर्वाचन समितिका संयोजक बरिष्ठ अधिवक्ता गोपालकृष्ण घिमिरेले जानकारी दिएका छन् ।

घिमिरेका अनुसार आज उपसभापतिको मात्र गणना गर्ने र महामन्त्रीको भोली गर्ने तयारी भएको छ । आजै राती १० बजेसम्म उपसभापतिको परिणाम आउने भएको छ ।

महामन्त्रीको मत परिणाम आएपछि सहमहामन्त्री र केन्द्रीय सदस्यको मत गणना हुने उनले बताए । 

गत सोमबार उपसभापतिलगायत पदाधिकारी र केन्द्रीय सदस्यका लागि मतदान भएको थियो । 

कांग्रेस उपसभापतिमा विजयकुमार गच्छदार, पूर्णबहादुर खड्का, दिव्येश्वरी शाह, सुजाता कोइराला, महेश आचार्य, धनराज गुरूङ र चन्द्र भण्डारीले उम्मेदवारी दिएका छन् । कांग्रेस विधानअनुसार दुई जना उपसभापति महाधिवेशनबाट निर्वाचित हुन्छन् ।

 

गाउँ सहर संवाददाता