गाउँ सहर

लागुऔषधसहित चार जना प्रहरी नियन्त्रणमा

• गाउँ सहर संवाददाता
• २३ मङ्सिर बिहीबार, २०७८ | १६:१५:०० मा प्रकाशित

काठमाडाैं । लागुऔषधसहित चार जना पक्राउ परेका छन् ।  सुनसरीको विभिन्न स्थानबाट लागुऔषधसहित चार जनालाई प्रहरीले पक्राउ गरेको हाे ।

विराटनगरस्थित १ नम्बर प्रदेश प्रहरी कार्यालयका अनुसार सुनसरीको इनरुवा नगरपालिका–३ बाट सुनसरी प्रहरीले चेकजाँच गर्ने क्रममा भोक्राह नरसिंह–५ का २० वर्षीय सरोज मन्सुरी र २१ वर्षीय हारुण मन्सुरीको साथबाट खैरो हिरोइन ४ ग्राम ८ सय ५० मिलिग्रामसहित दुवैलाई नियन्त्रणमा लिएको हो ।

यस्तै प्रहरी कार्यालयका प्रवक्ता प्रहरी उपरीक्षक नवीन राईका अनुसार इटहरी उपमहानगरपालिका–४ मा टीका राईको घरमा जाँच गर्ने क्रममा प्रहरीले लागुऔषध डाइजेपाम १० एम्पुल, लुपिजेसिक १० एम्पुल, फेनारगन १० एम्पुल र एभिल १० एम्पुलसहित घरधनी राई र १९ वर्षीय धनकुमार राई पक्राउ परेका हुन् ।

यस सम्बन्धमा थप अनुसन्धान गरिरहेकाे प्रहरीले बताएकाे छ ।