अरू भेरियन्ट भन्दा ओमिक्रोन कति खतरा ?
- गाउँ सहर संवाददाता
- २२ मङ्सिर बुधबार, २०७८ | १५:४३:०० मा प्रकाशित
काठमाडाैं । ओमिक्रोन अरू भेरियन्टभन्दा खतरनाक नदेखिएको वैज्ञानिकहरूले बताएका छन् । पछिल्लो समय संसारभरि तरंग ल्याएको कोरोनाभाइरसको नयाँ भेरियन्ट ओमिक्रोन पहिलाका भेरियन्टभन्दा खतरनाक नभएको विज्ञहरूकाे भनाइ छ ।
अहिलेसम्मका डाटा हेर्दा ओमिक्रोन निकै संक्रामक भए पनि यो डेल्टा वा अरू भेरियन्टभन्दा खतरनाक नदेखिएको समाचार संस्था एएफपीसँग कुरा गर्दै विश्व स्वास्थ्य संगठन (डब्लुएचओ) का आपतकालीन परिस्थिति निर्देशक माइकल र्यानले जानकारी दिएका छन् ।
उनले अहिले प्रयोग भइरहेका भ्याक्सिनहरूले ओमिक्रोनविरूद्ध पनि काम गर्ने विश्वास व्यक्त गरेका छन् ।
ओमिक्रोन कति खतरापूर्ण छ भन्ने कुरा टुंगोमा पुग्न भने विस्तृत अध्ययनहरू गर्नुपर्ने र्यानले बताएका छन् ।
र्यानको जस्तै धारणा अमेरिकी सरकारका मेडिकल सल्लाहकार डाक्टर एन्थोनी फाउचीले पनि व्यक्त गरेका छन् । ओमिक्रोन बढी संक्रामक भए पनि दक्षिण अफ्रिकाबाट आएका प्रारम्भिक अध्ययनहरूले यसले बिरामीलाई डेल्टाले जति सिकिस्त नपार्ने देखिएको फाउचीको भनाइ छ ।
ओमिक्रोनका चुनौतीबारे विज्ञहरूमाझ आमसहमति हुन भने संसारभरिबाट धेरै डाटाहरू संकलन गर्नुपर्ने उनले बताए ।
ओमिक्रोन भेरियन्ट पहिलो पटक देखिएको दक्षिण अफ्रिकामा भएका प्रारम्भिक अनुसन्धानले ओमिक्रोन बढी संक्रामक भए पनि यो बिरामीलाई सिकिस्त नपार्ने खालको देखाएका छन् ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
- ‘नेता कुटपिटमा हाम्राे कुनै संलग्नता छैन, झुठो आरोप लगाइयो’
- प्रतिनिधिसभा बैठक प्रत्यक्ष प्रसारण
- माओवादी उपाध्यक्ष कृष्णबहादुर महरा पक्राउ
प्रतिकृया दिनुहोस