गाउँ सहर

मोटरसाइकल चोरीमा संलग्न भएको आरोपमा सात जना प्रहरी नियन्त्रणमा

काठमाडाैं । काठमाडाैंमा मोटरसाइकल चोरीमा संलग्न भएको आरोपमा प्रहरीले सात  जनालाइ नियन्त्रणमा लिएकाे छ ।

महानगरीय ट्राफिक प्रहरी महाशाखाले मंगलबार रामशाहपथस्थित कार्यालयमा पत्रकार सम्मेलन गरी मोटरसाइकल चोरीमा संलग्न सो गिरोहलाई पक्राउ गरी सार्वजनिक गरेको हो ।

गएराति काठमाडौँको बबरमहलबाट उनीहरुलाई पक्राउ गरी थप अनुसन्धानका लागि महानगरीय प्रहरी परिसरमा बुझाउन लागिएको महाशाखाका प्रमुख प्रहरी वरिष्ठ उपरीक्षक जनक भट्टराईले जानकारी दिएका छन् ।

उनले भने, ‘बेलुका बबरमहलबाट चोरेको मोटरसाइकल चोरसहित हामीले पक्राउ गर्न सफल भयौँ । यो ७ जना भनेको चाहीँ काठमाडौँको ठूलै गिरोह हो । बाँकी अनुसन्धानको पाटो भएकाले उनीहरुलाई थप अनुसन्धानका लागि महानगरीय प्रहरी परिसरमा बुझाउने काम हुनेछ ।’

त्यस अवसरमा महाशाखाले गत असार महिनायता चोरी भएका १८४ वटा मोटरसाइकल खोजी गरी सम्बन्धित धनीलाई बुझाएको पनि बताएकाे छ । 

गाउँ सहर संवाददाता

तपाईँको मत