गाउँ सहर

टिपरको ठक्करबाट दुईको मृत्यु

काठमाडाैं । टिपरको ठक्करबाट दुई जनाको मृत्यु भएको छ । प्यूठानमा सोमबार दिउँसो अटोमा सवार दुई जनाको मृत्यु भएको हाे ।

मृत्यु हुनेमा प्यूठान नगरपालिका- ३ घुर्चनेका ३५ वर्षिय अमृत थापा र उनका ४ वर्षीय छोरा सुशान्त थापा रहेको जिल्ला प्रहरीले जानकारी दिएकाे छ । 

चकचकेबाट बिजुवारतर्फ जाँदै गरेको ना८ ख ३९०३ नम्बरको टिपरले रा १ ह ५७०७ नम्बरको अटोलाई प्यूठानको माण्डवी गाउँपालिका- ५ स्थित चकचके-चेरनेटा सडकखण्डमा ठक्कर दिँदा उनीहरुको घटनास्थलमै मृत्यु भएको प्रहरीले जनाएको छ । उनीहरु जुम्रीबाट अटो रिजर्भ गरेर स्वर्गद्वारीतर्फ जाँदै थिए ।

दुर्घटनामा अटोमा सवार अन्य चार जना घाइते छन् । घाइतेहरुमा प्यूठान नगरपालिका- ३ बस्ने वर्ष ८ की दुर्गा थापा, ३० वर्षीया पुनम थापा , १६ वर्षीया विपना थापा र १० वर्षीया शुष्मा थापा रहेकाे प्रहरीले जनाएकाे छ । 

उनीहरुको जिल्ला अस्पताल बिजुवारमा उपचार भइरहेको छ ।

दुर्घटनाका सम्बन्धमा थप अनुसन्धान भइरहेको प्रहरीले बताएकाे छ । 

गाउँ सहर संवाददाता