गाउँ सहर

कछुवाको मासु खाँदा सात जनाको मृत्यु

• गाउँ सहर संवाददाता
• १५ मङ्सिर बुधबार, २०७८ | १४:०९:०० मा प्रकाशित

एजेन्सी । कछुवाको मासु खाँदा सात जनाको मृत्यु भएको छ । तान्जानियाको पेम्बा टापुमा कछुवाको मासु खाँदा सात जनाको मृत्यु भएको हाे । त्यदसैगरी, ३८ जना बिरामी भएका छन् । मृत्यु हुनेमा एक बालक पनि छन् । पेम्बा द्धीपका पाँचै जनाले कछुवाकाे मासु खाएका थिए । 

तान्जानियाका तटीय क्षेत्रमा कछुवाको मासु खाने चलन छ । उनीहरुको मृत्युपछि स्थानीय प्रशासनले कछुवाको मासु खान प्रतिबन्ध लगाएकाे छ ।

टर्टल फाउन्डेशन नामक संस्थाका अनुसार कछुवाले खाने विषालु लेउका कारण मासु पनि विष हुन्छ । विषालु मासुले विशेष गरी बालबालिका र वृद्धवृद्धालाई नराम्रो असर गर्ने भन्दै संस्थाले आगामी दिनमा त्यस्तो मासु नखान सम्बन्धित सबैलाई आग्रह गरेको छ ।

तान्जेनियामा कछुवाको मासु खाँदा बारम्बार मानिसहरुको मृत्यु हुने गरेको छ । यसअघि मार्चमा म्याडगस्करमा कछुवाको विषालु मासु खाँदा ९ जना बालबालिकासहित १९ जनाको मृत्यु भएको थियो ।