गाउँ सहर

२२ जुवाडे पक्राउ

• गाउँ सहर संवाददाता
• २६ कार्तिक शुक्रबार, २०७८ | १३:३८:०० मा प्रकाशित

काठमाडौं । प्रहरीले २२ जना जुवाडेहरुलाई पक्राउ गरेको छ  । उनीहरूलाइ काठमाडौंको चौमती र दक्षिणकालीबाट पक्राउ गरेकाे हाे । 

काठमाडौं महानगरपालिका–१५ चौमतीस्थित सञ्जीव देउलाको घरमा तास खेलिरहेका ८ जनालाई बिहीबार साँझ पक्राउ गरिएको काठमाडौं परिसरका एसपी रमेश बस्नेतले  बताएका छन् । यसैगरी, दक्षिणकाली नगरपालिका–९ हुडुस्थित निरज महर्जनको खाजा पसलबाट ४५ वर्षीय राजेन्द्र श्रेष्ठ सहित १४ जनालाई पक्राउ गरिएको छ ।

महानगरीय प्रहरी वृत्त स्वयम्भूबाट खटिएको प्रहरी टोलीले चौमतीको जुवा खालबाट ४७ हजार नगद र ३ बुक तास बरामद गरेको छ । महानगरीय प्रहरी प्रभाग फर्पिङबाट खटिएको टोलीले दक्षिणकालीबाट ८६ हजार ७ सय ४० रुपैयाँ नगद र ६ बुक तास बरामद गरेको जनाएकाे छ ।