स्वास्थ्य

नेपालमा काेराेनाविरूद्ध १ कराेड ६१ लाख ७१ हजार ३२९ मात्रा खाेप लगाइयाे, यस्ताे छ पूर्ण विवरण

काठमाडाैँ । नेपालमा काेराेनाविरूद्धकाे पूर्ण खाेप लगाउने ७४ लाख ३४ हजार ७९७ पुगेकाे स्वास्थ्य तथा जनसंख्या मन्त्रालयले जनाएकाे छ ।

दैनिक अपडेटमार्फत उसले साे कुराकाे जानकारी गराएकाे हाे ।

मन्त्रालयका अनुसार कम्तिमा एकमात्रा खाेप लगाउने ८७ लाख ३६ हजार ५३२ पुगेका छन् ।

खाेप अभियान सुरू भएपश्चात अहिलेसम्म कुल १ कराेड ६१ लाख ७१ हजार ३२९ मात्रा खाेप लगाइएकाे छ ।

मन्त्रालयले यसरी लगाइएकाे खाेपमा काेभिशिल्ड, भेराे सेल, जाेन्सन एन्ड जाेन्सन, जापानी काेभिड १९ एस्ट्राजेनेका र स्वीडिस एस्ट्राजेनेका रहेकाे बताएकाे छ ।

मन्त्रालयका अनुसार कुल जनसंख्या ३ कराेड ३ लाख ७८ हजार ५५ मध्ये कम्तिमा एक मात्रा २८.८ प्रतिशतले लगाएका छन् भने २४.५ प्रतिशतले पूर्ण मात्रा लगाएका छन् ।

सरकारले लक्षित जनसंख्या, १८ वर्ष वा साे भन्दा माथि रहेका १ कराेड ९९ लाख २२ हजार १६४ मध्ये ४३.९ प्रतिशतले एक मात्रा र ३७.३ प्रतिशतले पूर्ण मात्रा लगाएका छन् ।

यस्तै लक्षित जनसंख्या, १५ वर्ष वा साे भन्दा माथिका २ कराेड १७ लाख ५६ हजार ७६३ मध्ये ४०.२ प्रतिशतले कम्तिमा एक मात्रा र ३४.२ प्रतिशतले पूर्ण मात्रा लगाएकाे मन्त्रालयले स्पष्ट पारेकाे छ ।

गाउँ सहर संवाददाता

तपाईँको मत