लघुकथा : एआई

कला

सामाजिक सञ्जालमा उसको सक्रियता निकै थियो।

केही दिनदेखि भने ऊ अलि भिन्नै रूपमा प्रस्तुत हुन थालेको थियो।

देख्नेहरू आफैँसँग प्रश्न गर्न थाले– उसमा यो परिवर्तन कसरी आयो? त्यस्तो क्षमतावान् त होइन ऊ। यस्तो क्षमता कसरी सम्भव भयो? के यो ऊ नै हो त?

तर जवाफ भेट्टाउन सकिरहेका थिएनन्।

जिज्ञासै जिज्ञासा मात्र थियो, कौतूहलै कौतूहल मात्र थियो उनीहरूसँग, तर निष्कर्षमा पुग्न त के कुरा, कुनै अनुमानसम्म पनि गर्न सकिरहेका थिएनन्।

यत्तिकैमा टोलाइरहेका उनीहरूको कानमा एउटा आवाज पर्यो, ‘अदृश्य शक्ति!’

उनीहरू आवाज आएतर्फ फर्के।

त्यहाँ ङिच्च हाँसिरहेको थियो एआई।