स्वास्थ्य

मौसमी फ्लूका बिरामी बढ्दै, यसबाट कसरी बच्ने ?

• गाउँ सहर संवाददाता
• १७ कार्तिक बुधबार, २०७८ | १३:३८:०० मा प्रकाशित

काठमाडौँ । वर्षायाम सकिएर हिउँद सुरु हुन लागेसँगै मौसमी फ्लूका बिरामी बढ्दै गएका छन् । कोरोना संक्रमणसँगै मिल्दो जुल्दो लक्षण भएको फ्लू लागे शारीरिक र मानसिक रुपमा निकै कमजोर भइन्छ ।

यसबाट बच्नको लागि स्वास्थ्य तथा जनसंख्या मन्त्रालयले निम्न उपायहरु अपनाउन अनुरोध गरेको छः

• फ्लू लागेका व्यक्तिहरुबाट टाढै बसौँ ।
• आफू बिरामी पर्दा अरुलाई सुरक्षित राख्न घरमै बसौँ ।
• घरमा कसैलाई फ्लू लागे वा रुघाखोकी लागे सबैले मास्क लगाऔँ ।
• खोक्दा वा हाच्छिउँ गर्दा नाक, मुख छोपौँ ।
• बेलाबेलामा साबुनपानीले हात धोऔँ ।
• हातले आँखा, नाक वा मुख छुने बानी त्यागौँ ।
• तातो पानी पिउने, बाफ लिने जस्ता घरेलु उपचार विधि अपनाऔँ ।
• प्रशस्त मात्रामा तातो पानी र झोलिलो खानेकुरा खाऔँ ।
• गाह्रो भएमा स्वास्थ्यकर्मीसँग परामर्श गरौँ ।
• सम्भव भएसम्म फ्लू विरुद्धको खोप लगाऔँ ।