खेल

एएफसी यू-२३ एसियन कप : नेपाल लेबनानसँग ४–० ले पराजित

• गाउँ सहर संवाददाता
• १४ कार्तिक आइतबार, २०७८ | १९:१८:०० मा प्रकाशित

काठमाडौं । एएफसी यु–२३ एसियन कप फुटबल खेल छनोट प्रतियोगितामा समूह चरणको अन्तिम खेलमा नेपाल लेबनानसँग ४–० ले पराजित भएको छ । 

आइतबार ताजिकिस्तानको रिपब्लिकन सेन्ट्रल रंगशालामा भएको खेलमा नेपाल लेबनानसँग पराजित भएको हो ।

नेपाल जित विहीन रहदै घर फर्किएको छ । समूह 'बी' को नेपालले अंक जोड्न सकेन ।

नेपाल यसअघि इरानसँग ४–० र दोस्रो खेलमा ताजिकिस्तानसँग ६–० ले परासजत भएको थियो ।

नेपाल प्रतियोगिताबाट बाहिरिसकेको छ ।

यसअघि लगातार दुई खेलमा पराजित लेबनानले भने नेपालमाथि जित निकाल्दै सुखद अन्त्य गरेको छ । लेबनान पहिलो खेलमा ताजिकिस्तानसँग १–० तथा दोस्रो खेलमा इरानसँग २–० ले पराजित भएको थियो ।

यस समूहमा ६ अंक जोडेको ताजिकिस्तान शीर्ष स्थानमा रहेको छ । इरान ६ अंक जोडेर दोस्रो स्थानमा रहेको छ । ताजिकिस्तान र इरानबीच आजै खेल हुनेछ ।

यस समूहको शीर्ष टोलीले एएफसी यू-२३ एसियन कप खेल्नेछन् ।

यस्तै दोस्रो टोली मध्ये उत्कृष्ट चार टोली पनि यू-२३ एसियन कपमा छनोट हुनेछन् ।