राजनीति

कांग्रेस पूर्वप्रधानमन्त्री देउवाकाे भव्य स्वागत, पार्टी एकताका लागि गरे यस्ताे अपिल

• गाउँ सहर संवाददाता
• २८ श्रावण बिहीबार, २०८३ | १४:५९:०० मा प्रकाशित

काठमाडाैं । पूर्वप्रधानमन्त्री तथा नेपाली कांग्रेसका पूर्वसभापति शेरबहादुर देउवाको त्रिभुवन अन्तर्राष्ट्रिय विमानस्थलमा भव्य स्वागत गरिएको छ। 

बिहीबार दिउँसो बैंककबाट काठमाडौँ आइपुगेका देउवाको विमानस्थलमा स्वागत गरिएको हो। उनको स्वागतका लागिका कांग्रेसका नेता, कार्यकर्ता र शुभेच्छुक विमानस्थल पुगेका थिए। 

कांग्रेसका पूर्वकार्यवाहक सभापति पूर्णबहादुर खड्का, नेताहरू प्रकाशमान सिंह, कृष्णप्रसाद सिटौला, आनन्द ढुंगाना, मोहन बस्नेत र विमलेन्द्र निधी लगायतका नेताहरू विमानस्थल पुगेका हुन्। 

गत भदौमा जेनजी आन्दोलनका क्रममा देउवा र उनकी पत्नी आरजु राणा देउवामाथि आक्रमण गरिएको थियो। उनको घरमा आगजनी गरिएको थियो। 

त्यसपछि उपचारका लागि उनी सिंगापुर गएका थिए। पछिल्लो पटक फागुनमा थप उपचारका लागि सिंगापुरहुँदै हङकङ पुगेका थिए। 

स्वदेश फिर्तीपछि चार बुँदामा आफ्नो धारणा सार्वजनिक गरेका देउवाले अपिलको अन्त्यमा लेखेका छन्, ‘म नेता बनेर होइन, यस महान् राष्ट्रको आजीवन नागरिक बनेर फर्किएको छु- विनम्रता, समर्पण र प्रेमका साथ सेवा गर्न तत्पर।’

हेर्नुहोस् पूरा अपिल-