वातावरण

राजेन्द्र पाण्डे वागमती प्रदेशकाे मुख्यमन्त्री बन्ने पक्का, समाजवादी र कांग्रेसले आधा–आधा कार्यकाल बाँड्ने

काठमाडाैं । नेकपा (एकीकृत समाजवादी) ले नेता राजेन्द्र पाण्डेलाई वाग्मती प्रदेशको मुख्यमन्त्रीमा अघि सारेकाे छ । 

विपक्षी गठबन्धनको बिहीबार बसेको हेटौंडामा बसेको बैठकले पाण्डेलाई मुख्यमन्त्रीको रुपमा अगाडि बनाउने निर्णय गरेसँगै उनी मुख्यमन्त्री बन्ने पक्का भएकाे हाे । 

मुख्यमन्त्रीका लागि कांग्रेस नेता र पाण्डेबीच प्रतिस्पर्धा थियो ।

त्यसैगरि स्रोतका अनुसार एकीकृत समाजवादी र कांग्रेसले आधा-आधा कार्यकाल सरकारको नेतृत्व गर्ने सहमति पत्रमा गठबन्धनका नेताहरुले हस्ताक्षर गरेका छन् ।

गठबन्धनमा रहेका माओवादी केन्द्र, कांग्रेस, नेकपा (एस) ले नयाँ मुख्यमन्त्री चयनका लागि हस्ताक्षर समेत संकलन गरिसकेका छन् । प्रदेशसभा बैठक बिहीबार बस्दैछ ।

बागमती र प्रदेश १ मा समाजवादीले मुख्यमन्त्री पाउने पूर्वसमझदारी विपरीत कांग्रेसमा असन्तुष्टि बढेपछि आधा कार्यकाल बाँड्ने सहमति भएको नेताहरुले दाबी गरेका छन्।

पहिलो चरणमा समाजवादीका तर्फबाट राजेन्द्र पाण्डे मुख्यमन्त्री बन्ने सहमति विपक्षी गठबन्धनको बैठकले गरेको छ भने त्यसपछि आधा कार्यकाल कांग्रेसका मोहन बानियाँ मुख्यमन्त्री हुनेछन्।

गाउँ सहर संवाददाता