गाउँ सहर

दशैंकाे बेला दशाः जीप दुर्घटना हुँदा चालकसहित ८ जनाको मृत्यु

• गाउँ सहर संवाददाता
• २५ असोज सोमबार, २०७८ | १६:२८:०० मा प्रकाशित

काठमाडौँ । कास्कीको घान्द्रुकमा सोमबार दिउँसो जीप दुर्घटना हुँदा चालकसहित ८ जनाको मृत्यु भएको छ ।

कास्कीका सिडिओ जयनारायण आचार्यले घटनाको पुष्टि गरेका हुन् ।

जिल्ला प्रहरी कार्यालय कास्कीका अनुसार पोखराबाट घान्द्रुक जान लागेको ग २ ज ६९०० नम्बरको बोलेरो जीप दुर्घटना हुँदा ८ जनाको घटनास्थलमै मृत्यु भएको हो ।

जीपमा ९  जना सवार रहेकोमा एक जना भीरमा अड्किँदा बाच्न सफल भएको प्रहरीले जनाएको छ ।

जीप पोखराबाट आज दिउँसो २ः०० बजे छुटेको थियो । जीप घान्द्रुकको कालाभीरबाट मोदी खोलामा खसेको हो ।

दुर्घटनामा ज्यान गुमाउनेहरुको सनाखत भइनसकेको र यसका लागि तयारी भइरहेको कास्की प्रहरीका प्रवक्ता सुवास हमालले जानकारी दिए ।